राज्य सरकारने एसटी कर्मचाऱ्यांना बोनस देण्याचे जाहीर केले आहे. परंतू यावर्षी त्यांच्या बोनसमध्ये वाढ करण्यात आली असल्याची माहीती समोर आली आहे.यासाठी राज्य शासनाकडून 45 कोटी रुपये निधी एसटी महामंडळाला देण्याचा निर्णय झाला आहे.
एसटी कर्मचाऱ्यांच्या दिवाळी बोनसमध्ये राज्य सरकारकडून वाढ करण्यात आली आहे.
याआधी प्रत्येक वर्षी एसटी कर्मचाऱ्यांना दिवाळी बोनस फक्त अडीच हजार रुपये आणि अधिकाऱ्यांना पाच हजार रुपये भेट दिली जात होती. मात्र आता सरकारच्या आदेशानुसार एसटी महामंडळातील अधिकारी आणि कर्मचाऱ्यांना यंदा सरसकट पाच हजार रुपये दिवाळी भेट मिळणार आहे. त्याचबरोबर एसटी कर्मचाऱ्यांना सहा टक्के महागाई भत्ताही मिळणार असल्याचं बोललं जात आहे.
राज्य शासनाने त्यांच्या कर्मचाऱ्यांना ऑक्टोबर महिन्याचे वेतन 21 ऑक्टोबरला अदा करण्यास मान्यता दिली आहे. त्यानुसार एसटी महामंडळाच्या कर्मचाऱ्यांनाही ऑक्टोबरचे वेतन दिवाळीआधीच देण्याचे आदेश काढण्याची मागणी एसटी महामंडळाकडे केली असल्याचे महाराष्ट्र एसटी कामगार संघटनेचे अध्यक्ष संदीप शिंदे यांनी सांगितले आहे.
मनमाड सार्वजनिक वाचनालयात मराठी राजभाषा गौरव दिन तसेच स्वातंत्र्य वीर सावरकर यांच्या 59 पुण्यतिथी निमित्ताने संयुक्त कार्यक्रमाचे आयोजन मराठीभाषे तील प्रसिद्ध लेखक संदीप देशपांडे यांचा गौरव
मनमाड शहराच्या सांस्कृतिक, शैक्षणिक व सामाजिक क्षेत्रात मानाचे स्थान असणार्या आणि व्रत अखंड वाचक...
