मनमाड शहरातील विविध समस्या त्वरित सोडविण्यात याव्यात, या मागणीसाठी काँग्रेसचे माजी नगरसेवक नाजीम शेख हे बेमुदत उपोषणास बसलेले आहेत. सदर उपोषणास राष्ट्रवादी काँग्रेस मनमाड शहराच्या वतीने लेखी पाठींबा देण्यात आला. राष्ट्रवादी काँग्रेसच्या पदाधिकार्यांनी उपोषण स्थळी नाजीम शेख यांची भेट घेत त्यांना जाहीर पाठिंब्याचे लेखी पत्र दिले. शहराध्यक्ष दीपक गोगड, कार्याध्यक्ष नाना शिंदे यांनी आपले मनोगत व्यक्त केले. यावेळी महिला शहराध्यक्ष अपर्णा देशमुख, अल्प.तालुकाध्यक्ष हबीब शेख, युवा जिल्हा संघटक अमोल गांगुर्डे, अक्षय देशमुख, आनंद बोथरा आदि उपस्थित होते.
मनमाड पूरग्रस्त भागाचे तत्काळ पंचनामे करून मदत मिळावी : शिवसेना जिल्हाप्रमुख गणेश धात्रक यांची मागणी
रविवारी आणि सोमवरी झालेल्या मुसळधार पावसामुळे शहरातून वाहणाऱ्या रामगुळणा - पांझण नदीला पुर आल्याने...
