महावितरणच्या लेखी आश्वासनानंतर राष्ट्रवादीचे आंदोलन स्थगित !

मनमाड शहरालगत असलेल्या कऱ्ही ग्रामपंचायत हद्दीतील घुगे वस्ती येथील डी.पी.हि गेल्या वर्षभरापासून नादुरुस्त आहे, त्यामुळे स्थानिक नागरिकांना तसेच शेतकरी बांधवाना विविध समस्यांना तोंड द्यावे लागत आहे. डी.पी.बंद असल्यामुळे ऐन पावसाळ्यात शेतकर्यांना पिकांच्या नुकसानीला सामोरे जावे लागले आहे, वारंवार पाठपुरावा करून देखील महावितरणाने कोणत्याही प्रकारची कारवाई न केल्यामुळे राष्ट्रवादी काँग्रेस पक्ष मनमाड शहराच्या वतीने महावितरणाच्या एफ.सी.आय.रोड वरील कार्यालयासमोर आंदोलन करण्यात आले. महावितरणच्या विरोधी घोषणांनी आंदोलनास सुरुवात करण्यात आली. या नंतर महावितरणचे उप कार्यकारी अभियंता संदीप शिंदे यांनी दिलेल्या लेखी आश्वासनानंतर आंदोलन स्थगित करण्यात आले. यावेळी राष्ट्रवादीचे तालुकाध्यक्ष विजय पाटील, मनमाड शहराध्यक्ष दीपक गोगड, अल्प.तालुकाध्यक्ष हबीब शेख, युवक जिल्हा संघटक अमोल गांगुर्डे, श्रीराज कातकाडे, अक्षय देशमुख, आनंद बोथरा, नांदगावचे रामुदादा पवार, तानसेन जगताप, कऱ्ही येथील शेतकरी साईनाथ दराडे, सुधाकर घुगे, संजय घुगे, भाऊसाहेब लहिरे, प्रकाश पवार, दिलीप डोंगरे, अशोक राख, बापू लहिरे, अप्पा राख, पंतीराम घुगे, वाल्मिक लहिरे, भाऊसाहेब पवार, अण्णा सानप, केशव सानप, सागर लहिरे, भारत दराडे, सुनील लहिरे, आदि उपस्थित होते.