एलटीटी येथून सुटलेली पवन एक्सप्रेस गाडी क्रमांक 11061 या रेल्वेने नाशिकहून बसलेले आर्मीचे जवान शिवशंकर त्रिवेदी यांच्यावर एका वयस्कर माथेफिरूने ज्वलनशील पदार्थ फेकून हल्ला केल्याची घटना आज दुपारी घडल्याने प्रवाशांमध्ये घबराट पसरली आहे.
प्रवाशांमध्ये खळबळ उडाल्यामुळे मनमाड रेल्वे स्थानकावर गाडी आल्यानंतर माथेफिरूला पकडण्यासाठी गेलेल्या आरपीएफ जवानावर देखील ज्वलनशील पदार्थ फेकण्याचा प्रयत्न केला.यामध्ये आरपीएफ जवान व प्रवासी गंभीर जखमी झाला.
हा वयस्कर माथेफिरू इसम रेल्वेच्या टॉयलेट मध्ये बसलेला होता.त्याला बाहेर काढण्यासाठी सर्वांनी प्रयत्न केले.जीआरपी,आरपीएफच्या मदतीने त्याला बाहेर काढून ताब्यात घेण्यात आले.
ह्या सर्व घटनाक्रमा मुळे पवन एक्सप्रेस मात्र 20 ते 25 मिनिटे उशिरा मनमाड स्थानकावरून रवाना झाली.
