राष्ट्रवादी काँग्रेस पक्ष मनमाड शहराच्या वतीने २६/११ रोजी मुंबई येथे झालेल्या दहशतवादी हल्ल्यात शहीद झालेल्या सैनिकांना तसेच कऱ्ही येथील शहीद जवान मल्हारी खंडू लहिरे यांना अभिवादन करण्यात आले. कऱ्ही येथील शहीद स्मारक येथे संपन्न झालेल्या या अभिवादन कार्यक्रमात शहीद लाहिरे यांच्या पुतळ्यास पुष्पहार अर्पण करण्यात आला त्यानंतर शहीद लहिरे यांच्या कुटुंबाचा शाल व सन्मान चिन्ह देऊन तसेच गावातील पहिले सैनिक बाळासाहेब घुगे यांचा सत्कार करण्यात आला. यानंतर कऱ्ही शाळेतील विद्यार्थ्यांना खाऊ वाटपाचा कार्यक्रम झाला. शालेय विद्यार्थ्यांनी देशभक्तीपर गीत सदर केले व राष्ट्रगीताने कार्यक्रमाची सांगता झाली. यावेळी राष्ट्रवादी काँग्रेस शहराध्यक्ष दीपक गोगड, कऱ्हीचे सरपंच अनिल डोंगरे, सोसायटी चेअरमन साईनाथ दराडे, सदस्य वाल्मिक सगळे, जनार्दन लहिरे, पंडित लहिरे, दिलीप घुगे, बाळू दराडे, राष्ट्रवादी महिला शहराध्यक्ष अपर्णा देशमुख, सेवादल जिल्हाप्रमुख राजेंद्र जाधव, अल्प.तालुकाध्यक्ष हबीब शेख, माजी नगराध्यक्ष प्रकाश बोधक, युवक जिल्हा संघटक अमोल गांगुर्डे, संदीप पाटील, श्रीराज कातकाडे, अक्षय देशमुख व ग्रामस्थ उपस्थित होते. सूत्र संचालन कवी राजू लहिरे यांनी तर कार्यक्रमाचे संयोजन आनंद बोथरा यांनी केले.
राष्ट्रीय सेवा योजनेतून त्याग वृत्ती निर्माण होते – डॉ. सी.जी.दिघावकर
"शाश्वत विकासासाठी युवक पाणलोट आणि पडीत जमीन व्यवस्थापन," या थीम अंतर्गत हे शिबीर होत...
