गोष्ट एका लेस्बियन कपलच्या फोटोशूटची ।
अदिला नसरीन आणि फातिमा नूरा या तरुणींची नावं ह्या वर्षीच्या सुरुवातीला मोठ्या प्रमाणात चर्चेत आले होते त्यानंतर ह्या मुलींच्या पालकांनी त्यांना जबरदस्तीने वेगळे केले होते. मात्र केरळमधील न्यायालयाच्या एका निर्णयाने या दोघी पुन्हा एकत्र आल्या.
त्या दोघींना बऱ्याच त्रासाला सामोरे जावे लागले म्हणून यातील एकीने न्यायालयात याचिका दाखल केली होती.
आता मागच्या महिन्यात पुन्हा या मुली पुन्हा चर्चेत आल्या आहे त्यामागचं कारणही तसच आहे.
आता ह्या दोघींनी वेडिंग फोटोशूटसाठी कपल पोज दिली आहे. एर्नाकुलम जिल्ह्यात असणाऱ्या समुद्रकिनारी हे फोटोशूट करण्यात आले. त्यावेळी या दोघी एकमेकींना अंगठ्या घालताना, गुलाबाचे हार एकमेकींच्या गळ्यात घालताना दिसून येतात. या दोघींनीही चांदीचे दागिने, निळ्या तपकिरी रंगाचे लेहेंगे घातलेत.
यातल्या 23 वर्षांच्या नूराने हे फोटो तिच्या फेसबुक पेजवर शेअर केलेत.
