आनंद बोथरा उद्योगरत्न पुरस्काराने सन्मानित !

मनमाड शहरातील युवा व्यापारी, साईलिला क्रिएशनचे संचालक आनंद बोथरा यांना भारतीय लहूजी सेनेच्या वतीने दिला जाणाऱ्या राज्यस्तरीय उद्योगरत्न पुरस्काराने सन्मानित करण्यात आले. क्रांतीगुरू लहूजी वस्ताद साळवे यांच्या २२८ व्या जयंती निमित्त अहमदनगर जिल्ह्यातील श्रीरामपूर येथे संपन्न झालेल्या पुरस्कार वितरण सोहळ्यात शाल , श्रीफळ व सन्मान चिन्ह देऊन सदर पुरस्कार आनंद बोथरा यांना प्रदान करण्यात आला. यावेळी महंत नारायणगिरीजी महाराज, ह.भ.प.ज्ञानेश्वर महाराज, ह.भ.प.प्रतिभाताई जाधव, भारतीय लहूजी सेनेचे राष्ट्रीय अध्यक्ष बाळासाहेब बागुल, राष्ट्रीय सचिव हनिफभाई पठाण, प्रसिद्ध बांधकाम व्यावसायिक के.के.आव्हाड, कायदेशीर सल्लागार रमेश कोळेकर, हर्शल रुणवाल, मनमाड येथील समाधान त्रिभुवन, संतोष साळवे, आदि उपस्थित होते.