मनमाड:-मनमाड शहरातील माध्यमिक शाळेच्या विद्यार्थ्यांमधील असलेल्या क्रीडा गुणांना वाव देण्यासाठी मनमाड क्रिकेट समिती आयोजित दि.३०-१२-२०२२ पासून महर्षी वाल्मिकी क्रीडा संकुल,आय.यु.डी.पी.मनमाड येथे आंतरशालेय मनमाड स्तरावर माध्यमिक शाळेतील विद्यार्थ्यांसाठी टेनिस बॉल क्रिकेट स्पर्धेचे आयोजन करण्यात येणार आहे.विशेष म्हणजे या स्पर्धेत सहभागी संघास कोणत्याही प्रकारची फी घेतली जाणार नाही.विनामूल्य प्रवेश असणार आहे.स्पर्धेतील विजेत्या प्रथम,द्वितीय,तृतीय,चतुर्थ संघास आकर्षक चषके सनीभाऊ फसाटे यांच्यातर्फे देण्यात येणार आहे.तसेच सर्व सहभागी संघातील प्रत्येक खेळाडूस हबिबभाई शेख ( HB) व दत्ताभाऊ झाल्टे यांच्यातर्फे टीशर्ट देण्यात येणार आहे.तसेच इतर चषके वैभव कापडे यांच्या तर्फे देण्यात येणार आहे. सहभागी सर्व खेळाडूंना प्रमाणपत्रे देऊन गौरविण्यात येणार आहे.तसेच सनीभाऊ अरोरा,मनोहर सूर्यवंशी सर,मिथुन धिंगाण, शेखर गवळी,कैलासभाऊ जाधव,अशोकभाऊ,आकाश चुनियान,शेखर गवळी यांचे सहकार्य लाभणार आहे.
तरी मनमाड माध्यमिक शाळेतील मुख्याध्यापकांना विनंती करण्यात येते की, आपल्या शाळेतील क्रिकेट संघ या स्पर्धेत सहभागी करावा.व संघातील अकरा खेळाडू व एक अतिरिक्त एकूण १२ खेळाडूंच्या नावाची यादी दि.६/१२/२०२२ पूर्वी बाबा स्पोर्ट्स,छत्रपती शिवाजी महाराज चौक,मनमाड येथे जमा करून सहकार्य करावे.असे समितीचे अध्यक्ष मनोज ठोंबरे सर व एम. पी.एल.क्रिकेट अध्यक्ष राजाभाऊ जाधव,उपाध्यक्ष रहीमभाई पठाण,सचिव जाविद शेख सर, कार्यवाहक देवेंद्रभाऊ चुनियान यांनी कळविले आहे.
राष्ट्रीय सेवा योजनेतून त्याग वृत्ती निर्माण होते – डॉ. सी.जी.दिघावकर
"शाश्वत विकासासाठी युवक पाणलोट आणि पडीत जमीन व्यवस्थापन," या थीम अंतर्गत हे शिबीर होत...
