मनमाड : (योगेश म्हस्के )शहरामध्ये श्री दत्त जन्मोत्सव सोहळा उत्साहात साजरा करण्यात आला , गेल्या सात दिवसांपासुन दत्त जयंती निमित्ताने श्री दत्त मंदिर आणि श्री स्वामी समर्थ केंद्र येथे सप्ताहाचे आयोजन करण्यात आले होते.
श्री स्वामी समर्थ केंद्र येथे गेल्या सात दिवसांपासुन अखंड प्रहारे , श्री गुरुचरित्र , श्री नवनाथ पारायण सेवेकऱ्यांकडुन करण्यात येत होते , आज महाआरती ,औदंबर प्रदक्षिणा आणि महाप्रसादाचे आयोजन करून सप्ताहाची सांगता करण्यात आली.
श्री दत्त मंदिर येथे ही गेल्या सात दिवसांपासुन श्री गुरुचरित्र पारायण , किर्तन आणि भजन सेवा करण्यात येत होती , श्री दत्त मंदिर येथे सायंकाळी सुंदर अशी पाळण्याची आरास करून श्री दत्त जन्म सोहळा साजरा करण्यात आला. या वेळेस शहरातील भाविकांनी दर्शनाचा लाभ घेतला.
आज दुपारी काल्याचे किर्तन होऊन भाविकांना महाप्रसादाचे वाटप करण्यात आले , या प्रसंगी शहरातील भाविक आणि नागरिक या दोन्ही कार्यक्रमांना मोठया संख्येने उपस्थित होते.
