70 वी पुरुष जिल्हा अजिंक्यपद कबड्डी स्पर्धेला शुक्रवार दिनांक ९/१२/२०२२ रोजी डॉ.बाबासाहेब आंबेडकर क्रीडांगण येथे प्रारंभ झाला.या स्पर्धेचे उद्घाटन मोहन अण्णा गायकवाड, राजाभाऊ पगारे व रवींद्र घोडेस्वार यांच्या हस्ते करण्यात आले.या स्पर्धेमध्ये पुरुष गटामध्ये ए झोन आणि बी झोन असे झोन पाडून साखळी व बाल पद्धतीने या स्पर्धा खेळविण्यात येणार आहे. आजच्या या सत्रामध्ये एकूण 21 संघांनी सहभाग घेतला .यात संघांमध्ये साखळी पद्धतीने स्पर्धा संपन्न झाल्या .
त्यामध्ये पहिले 16 संघ हे बाद फेरी साठी पात्र ठरलेले आहेत. या 16 संघांमध्ये झालेल्या बाद पद्धतीच्या सामन्या मधुन एकूण आठ संघ अंतिम निवड चाचणीसाठी पात्र ठरलेले आहे. त्यामध्ये एकलव्य मनमाड, मनमाड बॉईज मनमाड ,रुद्रा स्पोर्ट सिन्नर, क्रीडा प्रबोधिनी नाशिक, युवा स्पोर्ट्स सिडको, हे संघ दिनांक 11 डिसेंबर 2022 रोजी होणाऱ्या अंतिम निवड चाचणीसाठी पात्र ठरलेले आहेत.
उद्या दिनांक 10 डिसेंबर 2022 रोजी २४ संघामधे साखळी पद्धतीने सामने खेळविण्यात येतील.या स्पर्धा पार पाडण्यासाठी आयोजन समितीचे सदस्य श्री वाल्मीक बागुल ,श्री रेहमान शेख श्री विलास मोरे ,श्री शाकीर शेख, श्री राजू डमरे,श्री रमेश केदारे व नांदगाव तालुका कबड्डी असोसिएशन चे सर्व सदस्य तसेच नाशिक जिल्हा कबड्डी असोसिएशनचे सर्व सन्माननीय सदस्य व पंच मंडळ यांनी या स्पर्धा पार पाडण्यासाठी सहकार्य केले.
