गोरक्षनाथ लाड
दरेगांव – चांदवड तालुक्यातील चार दिवसापूर्वी ग्रामपंचायत निवडणुकांचे निकाल लागले. यातील काही ग्रामपंचायत निकालांची चांगलीच लढत व चर्चा रंगल्या.नाशिक जिल्ह्यातील चांदवड तालुक्यातील पुर्व भागातील असाच एका ग्रामपंचायतीचा निकाल चर्चेत आला आहे. तो म्हणजे चांदवड तालुक्यातील शिंगवे (मतोबाचे) ग्रामपंचायतीचा निवडणूक निकाल या ग्रामपंचायतीमध्ये अपक्ष उमेदवार थेट सरपंच पदासाठी विजयी झाले आहे.गावाने सर्वात तरुण सरपंच निवडला गेला असून आत्माराम खताळ असं या सरंपचाचं नाव आहे.आत्माराम खताळ यांचं वय अवघं 26 वर्षांचं आहे. या निवडणुकीत त्यांचा थेट सरंपच पदावर विराजमान झाले आहे.
शिंगवे ग्रामपंचायतीमध्ये उमेदवारीत अपक्ष म्हणून आत्माराम खताळ यांच्या विरोधात गुरूदेव दत्त पॅनल,जय बजरंग पॅनल,मतोबा महाराज परिवर्तन पॅनल या तिन्ही पॅनल मधून थेट सरपंच पदासाठी ३ उमेदवार रिंगणात उभे असल्याचा सामना रंगल्याचं पहायला मिळाला.
आत्माराम खताळ हे अपक्ष म्हणून उमेदवार होते.या निवडणुकीत आत्माराम खताळ यांनी गुरूदेव दत्त पॅनल,जय बजरंग पॅनल,मतोबा महाराज परिवर्तन पॅनल या तिन्ही पॅनल मधून थेट सरपंच पदासाठी उभे असलेले उमेदवाराचा पराभव केला.आत्माराम खताळ यांना 509 मतं मिळाले.विजय झाल्याचे समजताच तालुक्यातील पुर्व भागात व पंचक्रोशीत ते कौतुकाचा विषय ठरला आहेत.
[आत्माराम खताळ हे सर्वसामान्य कुटुंबातील शेतकरी कोणताही राजकीय वारसा नसलेले आत्माराम हे भाजपाचे खासदार डाॅ.भारतीताई पवार, आमदार डाॅ.राहूल आहेर यांचे कार्यकर्ते म्हणून ओळख असून सामाजिक कार्यात कायम अग्रेसर व गावात लहान मोठ्याचे परीचीत असून लोकांशी चांगला संपर्क होऊ लागला.यातून समाजकार्य अंगी भिनले आणि आज आपल्या कर्तृत्वाच्या जोरावर गावाच्या सरपंचपदावर आत्माराम खताळ विराजमान झाले आहेत.]
[ गावांतील विकास कामे मार्गी लावणे,गावातील पिण्याचा पाण्याचा प्रश्न सोडवणे, पाण्याची भूजल पातळी वाढविण्यासाठी सिमेंट प्लग बांधणे,प्रलंबित विकास कामे मार्गी तसेच नागरिकाच्या कामाच्या समस्या सोडविण्यासाठी प्रयत्न करेण.
आत्माराम खताळ,नवनिर्वाचित थेट सरपंच शिंगवे ]
