कोरोना विषाणूच्या नव्या व्हेरीएंटच्या पार्श्वभूमीवर केंद्र तसेच राज्य सरकार अलर्ट झाले असून रुग्णांच्या संख्येत जगात पुन्हा वाढ होत असल्याने सुरक्षिततेच्या दृष्टीने श्री सप्तशृंगी निवासिनी देवी संस्थानकडून गडावर देवीच्या दर्शनाला येणाऱ्या भक्तांना शुक्रवार (ता.२३) पासून मास्क वापरणे बंधनकारक असल्याचा निर्णय घेण्यात आला.
केंद्र व राज्य शासनाच्या कोरोनाच्या संदर्भीय सुधारित विषाणूंचा संभाव्य प्रसार व संसर्ग टाळणे हेतूने मास्कचा वापर बंधनकारक आहे. यासह एकाच ठिकाणी होत असलेली गर्दी टाळणेबाबत आदेशित करण्यात आल्याने सप्तशृंशी गडावर आदिमायेच्या दर्शनासाठी भाविकांना शुक्रवार (ता. २३) पासून मास्कचा वापर बंधनकारक करण्यात आला आहे. यासह सोशल डिस्टन्स, सॅनिटायझरचा वापर आणि ज्यांनी बूस्टर डोस घेतलेले नसतील त्यांनी ते घेण्याचे आवाहन श्री सप्तशृंग निवासिनी देवी ट्रस्ट, विश्वस्त मंडळ व प्रशासन व्यवस्थेकडून करण्यात आले आहे.
