नाशिक जिल्हा क्रिकेट असोसिएशन आयोजीत नाशिक प्रीमियर लीग या स्पर्धेतील खेळाडुंची लिलाव प्रक्रिया नुकतीच पार पडली. या प्रक्रियेत भुमी क्रिकेट अकॅडमी मधील खेळाडु शुभम बिडगर या खेळाडुची या सामण्यांसाठी निवड झाली आहे. कै. किशोर सुर्यवंशी ट्रॉफी, भाऊ मालुसरे ट्रॉफी , सुधाकर भालेकर ट्रॉफी अशा विविध स्पर्धेत चांगला खेळ दाखवुन आपल्या प्रदर्शनाच्या जोरावर शुभम ने हा मुकाम गाठला आहे. अथर्व राॅयल्स या संघाने शुभम ला 52 पॉईंट्स वर आपल्या संघात सामील करुन मनमाडमधील प्रथम एन पी एल खेळाडु असण्याचा मान प्रदान केला आहे.
नाशिक क्रिकेट मधील या बहुचर्चित व मोठ्या स्पर्धेत सहभागी होणारा शुभम बिडगर हा मनमाड मधला पहिला खेळाडु ठरला व त्यानंतरचं मनमाड क्रिकेट मधला नावाजलेला फलंदाज चेतन निकम ही अथर्व राॅयल्स संघाकडून निवडला गेला. दोन्ही खेळाडुंच्या निवडीसाठी भुमी क्रिकेट अकॅडमीचे संचालक व कोच सिध्दार्थ रोकडे व नाशिक जिल्हा क्रिकेट असोसिएशनचे नांदगाव तालुका क्रिकेट अध्यक्ष श्री. जयकुमार फुलवाणी यांनी विषेश प्रयत्न केले.
भुमी क्रिकेट अकॅडमी मनमाड चे आधारस्तंभ श्री. ईरफानभाई मोमीन व मार्गदर्शक मा. राजाभाऊ पगारे , मा. गणेशभाऊ धात्रक , जयकुमार फुलवाणी हबीबभाऊ शेख , सिध्दार्थ बरडिया,परवेज भाई शेख , कौशल शर्मा ,तय्यबभाई शेख , सनीभाऊ फसाटे , शुभम ( बापु ) गायकवाड संचालक वाल्मीक रोकडे व सिध्दार्थ ( भोला ) रोकडे यांच्या तर्फे शुभम व चेतन यांचे अभिनंदन करुन पुढिल होणार्या सामण्यांसाठी शुभेच्छा देण्यात आल्या.
