नाशिक जिल्ह्यात आज पुन्हा एकदा आगीची घटना समोर आली आहे. नाशिकच्या चांदवड घाटात बसला भीषण आग लागल्याची घटना समोर आली असून या आगीत बस पूर्णपणे जळून खाक झाली आहे, वेळीच चालकाने प्रसंगावधान राखत सर्व प्रवाशांना खाली उतरण्याच्या सूचना दिल्याने मोठा अनर्थ टळला.
गेल्या काही महिन्यांपासून नाशिकसह जिल्हाभरात सातत्याने आगीच्या घटना समोर येत आहेत. अनेक बसेससह इतर खाजगी वाहनांना आग लागण्याच्या घटना नेहमी घडत आहेत. औरंगाबाद नाक्यावरील मिरची चौफुली वरील भीषण आगीच्या घटनेने राज्याला हादरवून सोडले होते. इगतपुरी तालुक्यातील मुंढेगाव जवळील जिंदाल पॉलिफिल्म कंपनीत लागलेल्या भीषण आगीत तीन जणांना आपला प्राण गमावावा लागल्याची घटना घडली होती. आता पुन्हा नाशिकच्या चांदवड घाटात बसला भीषण आग लागल्याची घटना समोर आली आहे. या आगीत बस पूर्णपणे जळून खाक झाले आहे, मात्र आग का लागली याचे कारण अद्याप स्पष्ट होऊ शकले नाही.
पोषण पंधरवडा २०२३ अंतर्गत अंगणवाडीत “स्वस्थ बालक स्पर्धेचे आयोजन”– शितल गायकवाड मुख्यसेविका एबाविसेयो प्रकल्प (नागरी) नाशिक-२
एकात्मिक बाल विकास सेवा योजना प्रकल्प (नागरी) नाशिक-२,,अंगणवाडी क्र.७५.मनमाड येथे अंगणवाडी सेविका...
