🛑 रथसप्तमी( जागतिक सूर्यनमस्कार दिन) निमित्त , शाळेचे माजी विद्यार्थी, सीमा सुरक्षा दलातील माजी अधिकारी स्व.राजीव निवृत्ती पोटे यांच्या स्मृती प्रित्यर्थ भव्य सूर्यनमस्कार स्पर्धा व बक्षीस वितरण कार्यक्रम आज शनिवार दि.२८ जानेवारी २०२३ रोजी नूतन माध्यमिक विद्यालय भाटगाव. ता.चांदवड.जि.नाशिक. शाळेत उत्साहात संपन्न झाला.
सन 1987 बॅच च्या माजी विद्यार्थी श्री.सचिन पाटील, श्री.दिलीप चव्हाण, श्री.भागवत मांदळे, श्री.राजेंद्र पगार, यांनी या सर्व कार्यक्रमाचे संयोजन केले.
शालेय मैदानात अनेक विद्यार्थ्यांनी उत्कृष्ठ सूर्यनमस्कार प्रात्यक्षिक केले. यासाठी क्रीडा शिक्षक श्री.सचिन पाटील सर व श्री.भाऊसाहेब शिंदे सर यांनी सुर्य नमस्कार प्रार्थना, माहिती,व ढोल च्या तालावर ही स्पर्धा पूर्ण केली.
स्व.राजीव पोटे यांच्या पत्नी श्रीमती.स्वाती राजीव पोटे.या देखील सदर कार्यक्रम प्रसंगी उपस्थित होत्या.
सन 1987 च्या माजी विद्यार्थ्यांकडून या स्पर्धेत विजेत्या प्रत्येक वर्गातील प्रथम तीन विद्यार्थ्यांना उपस्थित श्रीमती.स्वाती राजीव पोटे, श्री.राजेंद्र पगार,श्री.दिलीप चव्हाण,श्री.भागवत मांदळे, श्री.संजय पोटे, सौ.पोटे, या मान्यवरांचे शुभ हस्ते विविध पुस्तके देऊन बक्षीस वितरण करण्यात आले.
सदर कार्यक्रम यशस्वीरीत्या संपन्न करण्यासाठी शाळेचे मा.पर्यवेक्षक श्री.का.ना.सारुक्ते सर,सर्व शिक्षक व कर्मचारी वृंद यांनी सहकार्य केले.
