मध्य प्रदेशातील सिहोर येथील कुबेश्वर धाम येथे रुद्राक्ष वाटप आणि शिवमहापुराण कथेपूर्वीच परिस्थिती अनियंत्रित झाल्याने गेलेल्या भक्तांचे अतोनात हाल होत आहेत. अशातच गर्दीमुळे झालेल्या चेंगराचेंगरीत नाशिक जिल्ह्यातील मालेगाव येथील महिलेचा मृत्यू झाला, असून तर तीन महिला बेपत्ता झाल्या आहेत.
मध्य प्रदेशातील सिहोर जिल्ह्यातील कुबेश्वर धाम रुद्राक्ष वाटपाच्या कार्यक्रम आयोजित करण्यात आला होता. या कार्यक्रमादरम्यान अचानक गर्दी वाढल्याने प्रशासनाचाही गोंधळ झाला. अशातच गर्दीमुळे झालेल्या चेंगराचेंगरीत महाराष्ट्रातील एका महिलेचा मृत्यू झाला आहे. रुद्राक्ष मिळण्यासाठी झालेल्या गर्दीमुळे चेंगराचेंगरीसारखी परिस्थिती निर्माण झाली होती. या गर्दीमध्येच मालेगावच्या एका महिलेची अचानक प्रकृती बिघडल्याने मृत्यू झाला आहे. तर तीन महिला बेपत्ता झाल्या आहेत.
सिहोर जिल्हा मुख्यालयाजवळील चितवलिया हेमाच्या कुबेश्वर धाम येथे 16 फेब्रुवारीपासून सात दिवसीय रुद्राक्ष महोत्सव सुरू झाला आहे. कार्यक्रमापूर्वीच आठ लाखांहून अधिक भाविक सिहोरमध्ये पोहोचले. भाविकांच्या अतिरेकामुळे इंदूर-भोपाळ महामार्ग पूर्णपणे ठप्प झाला असून महामार्गावर 20 किलोमीटरहून अधिक जाम असल्याचे सांगण्यात येत आहे.
