मनमाड : येथील संत झेवियर हायस्कूल मध्ये हिंदवी स्वराज्याचे संस्थापक छत्रपती शिवाजी महाराज यांची जयंती मोठ्या उत्साहात साजरी करण्यात आली. या निमित्ताने आयोजित कार्यक्रमाप्रसंगी व्यासपीठावर शाळेचे माननीय मुख्याध्यापक फादर म्याल्कम, पर्यवेक्षिका सिस्टर ज्योत्स्ना, कुमार राज खैरनार व कुमारी श्रद्धा दराडे आदी मान्यवर उपस्थित होते. कार्यक्रमाच्या सुरुवातीला गर्जा महाराष्ट्र माझा हे राज्य गीत विद्यार्थ्यांनी सामूहिकरीत्या गाऊन कार्यक्रमाची सुरुवात केली. मंचावरील सर्व मान्यवरांनी छत्रपती शिवाजी महाराजांच्या प्रतिमेस पुष्पहार अर्पण करून आदरांजली वाहिली. कुमारी श्रद्धा दराडे हिने आपल्या भाषणातून छत्रपती शिवाजी महाराजांच्या शौर्याची किस्से सांगितले.तर कु.राज खैरनार या विद्यार्थ्याने विरश्रीयुक्त पोवाडा सादर केला. शाळेच्या माननीय मुख्याध्यापकांनी छत्रपती शिवाजी महाराजांच्या गुणवैशिष्ट्यांची ओळख करून दिली. सदरच्या कार्यक्रमाचे
सूत्रसंचालन, प्रस्तावना व आभार प्रदर्शन कुमारी समीक्षा कांबळे हिने केले.
