पाच वर्षाच्या कमबॅक नंतर अर्जुन पुरस्कार विजेते दत्तू भोकनळ यांचे चंदेरी यश.. महाराष्ट्राचे प्रतिनिधित्व करत सीनियर नॅशनल रोईंग स्पर्धेत रौप्य पदकाची कमाई..

नाशिकचे अर्जुन वीर तसेच आशियाई सुवर्ण पदक विजेते ओलंपियन दत्तू बबन भोकनळ यांनी दिनांक 20 फेब्रुवारी 2023 ते 26 फेब्रुवारी 2023 रोजी आर्मी रोईंग नोड पुणे येथे झालेल्या सीनियर नॅशनल रोइंग स्पर्धेमध्ये 500 मीटर सिंगल स्कल मध्ये रौप्य पदकाची कमाई केली..
दत्तू भोकनळ यांनी अंतिम फेरीमध्ये.. सर्विसेस कडून खेळणारा व २०२० चा ऑलिम्पिक खेळाडू अरविंद सिंग तसेच इंडियन नेव्ही कडून खेळणारा सतनाम सिंग यांना पराभूत केले..
सतनाम सिंग हा दोन किलोमीटर मध्ये सुवर्णपदकाचा मानकरी आहे तसेच अरविंद सिंह 2020 चा ऑलम्पियन आहे. पाच वर्षाच्या गॅप नंतर केलेल्या कामगिरीबद्दल तसेच त्यांच्या या यशाबद्दल सर्वत्र कौतुक होत आहे. मराठमोळ्या दत्तू भोकनळ यांनी पुन्हा एकदा मैदानात उतरून पुन्हा एकदा स्वतःला सिद्ध केलेले आहे….