मनमाड शहराचे सांस्कृतिक वैभव असणाऱ्या आणि व्रत अखंड वाचक सेवेचे हे ब्रीद वाक्य घेऊन शतकोत्तर वाटचाल करणाऱ्या मनमाड सार्वजनिक वाचनालय मध्ये प्रख्यात कवी, लेखक, नाटककार ज्ञानपीठ पुरस्कार विजेते स्वर्गीय कुसुमाग्रज (वि. वा. शिरवाडकर) जयंती म्हणजेच मराठी भाषा दिन आणि स्वातंत्र्य वीर सावरकर यांचे 57 व्या पुण्यतिथी निमित्ताने संयुक्त अभिवादन कार्यक्रमाचे आयोजन करण्यात या कार्यक्रमाला मनमाड सार्वजनिक वाचनालया चे अध्यक्ष नितीन पांडे, सचिव कल्पेश बेदमुथा, संचालक नरेश गुजराथी, माजी अध्यक्ष सुरेश शिंदे, दिपक शिंदे, प्रज्ञेश खांदाट आदी मान्यवर उपस्थित होते. कविवर्य कुसुमाग्रज, व वीर सावरकर यांचे प्रतिमेचे पूजन करून माल्यार्पण करण्यात आले. मनमाड शहरातील जेष्ठ समाजसेवक नामदेवराव गिडगे काका यांनी मराठी भाषा दिनाचे निमित्ताने मनमाड सार्वजनिक वाचनालयास सुमारे 15000/-किंमती ची दुर्मिळ धार्मिक, अध्यात्मिक,योगशास्र पौराणिक विषयची ग्रंथ /पुस्तके भेट दिली मनमाड सार्वजनिक वाचनालय तर्फे अध्यक्ष नितीन पांडे, सचिव कल्पेश बेदमुथा यांनी नामदेवराव गिडगे यांचे ऋण /आभार व्यक्त केले. यावेळी स्वातंत्र्य वीर सावरकर आणि कवी कुसुमाग्रज यांचे वर लिखित आणि त्यांनी लिहिलेल्या ग्रंथ /पुस्तकांचे प्रदर्शन वाचकांना साठी मांडण्यात आले होते. या कार्यक्रमाचे सूत्रसंचालन सचिव कल्पेश बेदमुथा यांनी केले तर मनमाड सार्वजनिक वाचनालया च्या ग्रंथपाल सौ संध्या गुजराथी, हेमंत मटकर, सौ.नंदिनी फुलभाटी, मच्छिन्द्र साळी आदी सह वाचक वर्ग उपस्थित होते. कार्यक्रमाचे संयोजन मनमाड सार्वजनिक वाचनालया चे अध्यक्ष नितीन पांडे व सचिव कल्पेश बेदमुथा यांनी केले.
