मुस्लिम धर्मीय बांधवांचा पवित्र रमजान महिना 23 मार्च (उपवासाचा) व 14 एप्रिल डॉ. बाबासाहेब आंबेडकर जयंती सण उत्सव काळात मनमाड शहरात विद्युत प्रवाह खंडीत होणार नाही याची दक्षता घेण्यात यावी अशा आशयाचे निवेदन उप कार्यकारी अभियंता यांना शिवसेना उद्धव ठाकरे गट मनमाड शहर शाखेच्या वतीने देण्यात आले.निवेदनाचा आशय असा
23/3/2023 पासून मुस्लिम रमजान महिना (उपवासाचा सुरु होत असून संपूर्ण महिनाभर 30 दिवस उपवास ठेवला जातो. या काळात पहाटे 4 वा. व संध्याकाळी 6 पासून रात्री 10.30 पर्यंत धार्मिक विधी असतात. त्यावेळेत लाईटची आवश्यकता असते. धार्मिक विधीत खंड पडणार नाही तसेच भारतीय घटनेचे शिल्पकार महामानव
डॉ. बाबासाहेब आंबेडकर यांची 14 एप्रिल रोजी जयंती असून मनमाड शहरात मोठ्या उत्साहात आणि मोठ्या प्रमाणावर साजरी केली जाते. यात विज पुरवठा खंडीत होणार याची आपण दखल घ्यावी.
सध्या मनमाड शहरात दिवसातून चार चार वेळेस विज पुरवठा खंडीत होत असून वारंवार विज पुरवठा खंडीत होत आहे त्याकामी मॅन्टेनन्सचे जे कामे असतील ते आगोदरच करून घेणे व
रमजान महिना व 14 एप्रिल काळात दिज पुरवठा सुरळीत रहाणेकामी वायरमन यांची टिम तयार करण्यात यावी. जेणेकरून एखादी समस्या उद्भवल्यास त्याचे तात्काळ निराकरण करता येईल.
निवेदनावर
माधव शेलार
मनमाड शिवसेना शहर प्रमुख,
स्वराज देशमुख,
राजेश धोंडगे, उप तालुका प्रमुख,
खालीद शेख, उप शहर प्रमुख
यांच्या सह्या आहेत.
