बेंगलोर येथे होणाऱ्या खेलो इंडिया राष्ट्रीय मानांकन वेटलिफ्टिंग स्पर्धेसाठी जय भवानी व्यायामशाळेच्या वीणाताई संतोष आहेर,पूजा शाम वैष्णव,वैष्णवी वाल्मिक इप्पर,पूजा राजेश परदेशी ,वैष्णवी जनार्धन उगले,संध्या भास्कर सरोदे,करिश्मा रफिक शाह यांची विविध वजनी गटात निवड करण्यात आली आहे.सर्व वजनी गटातील विजयी खेळाडूंना रोख पारितोषिक देऊन गौरविण्यात येणार आहे.२४ ते २८ मार्च दरम्यान क्रांतिविरा स्टेडियम बेंगलोर येथे स्पर्धेचे आयोजन करण्यातआले आहे.
यशस्वी खेळाडूंना छत्रे विद्यालयाचे क्रीडा प्रशिक्षक प्रवीण व्यवहारे व आंतरराष्ट्रीय प्रशिक्षक तृप्ती पाराशर यांचे मार्गदर्शन लाभले आहे.
जय भवानी व्यायामशाळेचे अध्यक्ष डॉ विजय पाटील,मोहन अण्णा गायकवाड, डॉ सुनील बागरेचा, प्रा दत्ता शिंपी, छत्रे विद्यालयाचे आधारस्तंभ पी जी धारवाडकर, अध्यक्ष पी जे दिंडोरकर, सचिव दिनेश धारवाडकर, संचालक नाना कुलकर्णी,प्रसाद पंचवाघ, मुख्याध्यापक आर एन थोरात, उपमुख्याध्यापक संदीप देशपांडे, पर्यवेक्षिका सौ पोतदार, एस एस महाराष्ट्र वेटलिफ्टिंग संघटनेचे उपाध्यक्ष संतोष सिंहासने, सचिव प्रमोद चोळकर यांनी अभिनंदन केले व पुढील स्पर्धेसाठी शुभेच्छा दिल्या.
