कृषि उत्पन्न बाजार समिती मनमाड ता. नांदगांव जि. नाशिक सर्व कांदा उत्पादक शेतकरी बांधवांना जाहीरपणे कळविण्यात येते की, राज्य शासनाने दि. 01/02/2023 ते 31/03/2023 पर्यंत बाजार समितीमध्ये विक्री केलेल्या लाल कांद्यास रु. 350/- प्रमाणे (200 क्विंटल मर्यादा) कांदा अनुदान जाहीर केलेले आहे. तरी या कालावधीत मनमाड बाजार समिती मध्ये लाल कांदा विक्री केलेल्या सर्व शेतकरी बांधवांनी खालील कागदपत्रांसह आपले कांदा अनुदान प्रस्ताव मनमाड बाजार समिती कार्यालयात दि. 03/04/2023 ते 20/04/2023 या कालावधीत कार्यालयीन कामकाजाच्या दिवशी व कार्यालयीन वेळेत सादर करावे.
खालील कागदपत्रे जमा करावी:-
1) विक्री केलेल्या कांदा शेतमालाच्या हिशोब पावत्या ओरिजनल
2) कांदा पिकाची नोंद असलेला ७/१२ उतारा
3) बँक पासबुकाची पहिल्या पानाची सुस्पष्ट झेरॉक्स प्रत
4) आधार कार्डची झेरॉक्स प्रत
5) ज्या प्रकरणात ७/१२ उतारा वडिलांच्या नावे व विक्री पट्टी मुलाच्या अथवा अन्य कुटुंबियांच्या नावे आहे अशा प्रकरणामध्ये सहमती असणारे शपथ पत्र.
