आमदार सुहास आण्णा कांदे यांच्या स्वखर्चातून मतदारसंघातील नागरिकांसाठी मोफत दवाखाना व मोफत शासकीय कार्यालय सुविधा उपलब्ध करून देण्याच्या उद्देश्याने बनविलेल्या खास गाड्यांची पाहणी खासदार श्रीकांत शिंदे यांनी केली. ही संकल्पना कशी राबविली जाते या बाबत सविस्तर माहिती घेतली. आमदार सुहास आण्णा कांदे यांची संकल्पना असलेला हा उपक्रम महाराष्ट्रातील राजकारणात पहिला प्रयोग आहे असे म्हणत त्यांनी या कल्पनेचे कौतुक केले, सोबतच महाराष्ट्रात राबवावा असा हा उपक्रम असल्याचे त्यांनी बोलून दाखवले.
या प्रसंगी शिवसेना सचिव मा.भाऊसाहेब चौधरी, मा.खासदार हेमंत आप्पा गोडसे, नाशिक जिल्ह्याचे पालकमंत्री मा.ना. दादाजी भुसे साहेब, तसेच शिवसेना पदाधिकारी व शिवसैनिक उपस्थित होते.
