मनमाड शहरात सलग पंधरा वर्षांपासून भगवान महावीर जन्म कल्याणक दिनानिमित्त आनंद सेवा केंद्र तर्फे रक्तदान शिबिराचे आयोजन करण्यात येते. आजही महावीर भवन, मारुती रोड भव्य रक्तदान शिबिराचे आयोजन करण्यात आले होते. ह्या रक्तदान शिबिरात विक्रमी २०३ रक्तदात्यांनी आपले योगदान देत या वर्षीही शिबिर यशस्वी करून दाखविले आहे.आनंद सेवा केंद्रातर्फे मनमाड शहरासह आता नांदगाव शहर परिसरातील नागरिकांसाठी रूग्णोपयोगी सेवा देणाऱ्या आनंद सेवा केंद्रातर्फे आयोजीत केल्या जाणाऱ्या रक्तदान शिबिरात मनमाड कर नागरिकांचा प्रतिसाद मिळाला. दर वर्षाप्रमाणे यंदाही विक्रमी रक्त पिशव्यांचे संकलन करण्यात आले असून ह्या रक्तदान शिबिरात रक्तदान करणाऱ्या सर्व रक्तदात्यांचे आनंद सेवा केंद्राच्या वतीने सर्व पदाधिकारी आणि सदस्यांनी आभार मानले असून भविष्यातही आनंद सेवा केंद्राच्या उपक्रमांना असाच भरघोस प्रतिसाद मिळेल अशी आशा आनंद सेवा केंद्राचे अध्यक्ष कल्पेश बेदमुथा यांनी व्यक्त केली आहे.
