मराठा विद्या प्रसारक समाजाच्या कला वाणिज्य विज्ञान महाविद्यालय अर्थशास्त्र व वाणिज्य विभागांतर्गत डॉ. बाबासाहेब आंबेडकर यांच्या जयंतीनिमित्त नाणे प्रदर्शन व अर्थमिती यावर विद्यार्थ्यांकडून पोस्टर प्रेसेंटेशन स्पर्धा घेण्यात आले. या नाणे प्रदर्शनाचे उद्घाटन नांदगाव तालुका पत्रकार संघाचे अध्यक्ष श्री. अमोल खरे यांच्या हस्ते करण्यात आले याप्रसंगी अध्यक्षस्थानी महाविद्यालयाचे प्राचार्य डॉ. डी डी गव्हाणे, महाविद्यालयीन परीक्षा अधिकारी प्रा. आर एस बहोत, नाणे प्रदर्शन व अर्थमिती कार्यक्रमाच्या संयोजक डॉ. अनिता फापाळे इतर प्राध्यापक व विद्यार्थी उपस्थित होते.
विद्यार्थ्यांनी जुनी चलनातून बाद झालेली नाणी जमवून त्यांची माहितीसह पोस्टर प्रदर्शित केले तसेच आत्तापर्यंत चलनात असलेली नाणी व चलनातून बाद झालेली नाही यांचे वेगवेगळे ग्रुपिंग करून नाणे प्रदर्शन भरवण्यात आले होते कार्यक्रमाचे उद्घाटक व प्रमुख पाहुणे श्री अमोल खरे यांनी विद्यार्थ्यांनी अशा प्रकारचे छंद जोपासावे यातून जुना ठेवा नवीन पिढीसाठी उपलब्ध करून देता येईल असे मत मांडले तसेच त्यांच्या संग्रही असलेले शिवकालीन शिवराय शिवराई व इतर नाणे महाविद्यालयास भेट म्हणून देणार आहे याबद्दल महाविद्यालयाकडून त्यांचे विशेष आभार मानण्यात आले. कु. अपेक्षा बोराडे, मानसी उगलमुगले यांनी आपले मनोगत व्यक्त केले तर कार्यक्रमाचे सूत्रसंचालन महाविद्यालयाची विद्यार्थिनी कू. पूनम कोल्हे व चैताली घुमरे यांनी केले. तर आभार कू. अनामिका धिवर हिने मांडले. संपूर्ण कार्यक्रमाचे आयोजन हे विद्यार्थ्यांनीच केले. अमित चव्हाण, विशाल जाधव, अपेक्षा बोराडे, निशा कांबळे या विद्यार्थ्यांनि विशेष परिश्रम घेतले. हे प्रदर्शन महाविद्यालयातील विद्यार्थी व पालकांसाठी पुढील 3-4 दिवस राहील.
