नांदगाव – सोमनाथ घोंगाणे
नांदगाव शहरानजीक असलेल्या गिरणा नगर ग्रामपंचायत हद्दीतील पारिजात कॉलनी येथील रस्ता पळविल्याचा आरोप मनसे पक्षाचे तालुकाध्यक्ष प्रदीप थोरात यांनी केला .
याबाबत अधीक माहीती अशी की, शहराजवळ असलेल्या गिरणानगर ग्रामपंचायत हद्दीतील परिजात कॉलनी येथील दलित वस्ती निधी अतर्गत मंजूर झालेला रस्ता सरपंच / ग्रामसेवक गटविकास अधिकारी गणेश चौधरी यांच्या संगनमताने बोगस ठराव करून पळविला असल्याचा आरोप मनसे पक्षाचे तालुकाध्यक्ष प्रदीप थोरात,शहराध्यक्ष अभिषेक विघे महिला तालुकाध्यक्ष रेखा शेलार यांनी केला असून तसे निवेदन तहसिलदार डॉ. सिद्वार्थ मोरे यांना दिले असून १५ दिवसात याबाबत कारवाई न केल्यास मनसे स्टाईलने आंदोलन छेडण्यात येईल असा इशारा देण्यात आला.
