मनमाड महाविद्यालयात रसायनशास्त्र विषयात विद्यार्थ्यांसाठी परदेशात संशोधनाच्या संधी या विषयावर आंतरराष्ट्रीय वेबिनार संपन्न ….

मनमाड: येथील महात्मा गांधी विद्यामंदिर संचलित कला विज्ञान व वाणिज्य महाविद्यालय मनमाड, च्या रसायनशास्त्र विभाग व अंतर्गत गुणवत्ता हमी कक्ष यांच्या वतीने रसायनशास्त्र विषयात विद्यार्थ्यांसाठी परदेशात संशोधनाच्या संधी या विषयावर महाविद्यालयाचे प्राचार्य डॉ. ए. व्ही. पाटील व रसायनशास्त्र विभागप्रमुख डॉ. बी. एस. देसले यांच्या मार्गदर्शनाखाली आंतरराष्ट्रीय वेबिनार संपन्न झाले. या वेबिनारसाठी युनिव्हर्सिटाट पॉलिटेक्निका दी व्हॅलेंसिया या स्पेन मधील विद्यापीठाच्या पोस्ट डॉक्टराल रिसर्च फेलो डॉ. अमरावती एस. सिंग यांनी साधन व्यक्ती म्हणून मार्गदर्शन केले. या वेबिनारसाठी महाविद्यालयाचे प्राचार्य डॉ. ए. व्ही. पाटील पाटील अध्यक्षस्थानी होते. त्यांनी अध्यक्षीय मनोगतात रसायनशास्त्र हा विषय विज्ञानशाखेत अग्रणी असून या विषयाच्या विद्यार्थ्यांसाठी संशोधनात खूप संधी असल्याचे मत व्यक्त केले व वेबिनारसाठी शुभेच्छा दिल्या. साधन व्यक्ती म्हणून लाभलेल्या डॉ. अमरावती सिंग यांनी संशोधन म्हणजे काय?, रसायनशास्त्र विषयात संशोधन प्रक्रिया कशी असते, भारताबाहेर कुठल्या देशात संशोधनाच्या अधिक संधी आहेत, परदेशात संशोधनाचे फायदे, परदेशात संशोधनासाठी लागणारी गुणवत्ता, यांसारख्या अतिशय महत्त्वाच्या विषयांवर सखोल मार्गदर्शन केले. सदर वेबिनार हे अतिशय उत्साहवर्धक व प्रेरणादायी असल्याचे मत महाविद्यालयाच्या विद्यार्थ्यांनी व्यक्त केले. याप्रसंगी महाविद्यालयाचे उपप्राचार्य डॉ. जी. एल. शेंडगे, रसायनशास्त्र विभागप्रमुख डॉ. बी एस देसले, आयक्यूएसी व नॅक कॉर्डिनेटर डॉ. मिलिंद अहिरे कुलसचिव श्री समाधान केदारे व महाविद्यालयातील सर्व प्राध्यापक उपस्थित होते. सदर कार्यक्रमाचे सूत्रसंचालन वेबिनारचे कॉर्डिनेटरचे डॉ. राहुल शिंदे यांनी केले व साधन व्यक्तींचा परिचय व आभार प्रदर्शन अकॅडमीक कॉर्डिनेटर प्रा.रोहित शिंदे यांनी केले. या वेबिनारसाठी समन्वयक डॉ. राहुल शिंदे आणि प्रा. रोहित शिंदे यांनी विशेष परिश्रम घेतले, तसेच डॉक्टर पवनसिंग परदेशी यांनी विद्यार्थ्यांसाठी ICT फॅसिलिटी ची व्यवस्था केली.