मनमाड : येथील महात्मा गांधी विद्यामंदिर संचलित कला, विज्ञान व वाणिज्य महाविद्यालय मनमाड येथे प्राचार्य डॉ. अरुण पाटील यांच्या अध्यक्षतेखाली राजर्षी शाहू महाराज यांचा स्मृती शताब्दी वर्ष सोहळा उत्साहात संपन्न झाला. राजर्षी शाहू महाराजांच्या प्रतिमेचे पूजन व पुष्पहार अर्पण केल्यानंतर आपल्या मनोगतातून डॉ. अरूण पाटील यांनी लोककल्याणकारी राजा छत्रपती शाहू महाराज यांच्या कार्याचा आढावा घेतला. बहुजन समाज शिकून शहाणा झाल्याशिवाय त्यांचे दारिद्र्य, अज्ञान, अंधश्रद्धा नष्ट होणार नाही याची जाणीव राजर्षी शाहू महाराजांना होती. म्हणून त्यांनी शिक्षणाच्या प्रसारावर भर दिला व आपल्या संस्थानात प्राथमिक शिक्षण सक्तीचे केले. प्रत्येक खेड्यात प्राथमिक शाळा सुरू केल्या. जागोजागी वस्तीगृह स्थापन केले. भटक्या विमुक्त जातींना जवळ करून त्यांचे जीवन स्थिर केले. राजर्षी शाहू महाराज हे थोर समाज सुधारक होते. शिक्षण, जातीभेद निवारण, अस्पृश्य निवारण. इत्यादी सुधारणाचे पुरस्कर्ते होते. या कार्यक्रमाप्रसंगी वरिष्ठ महाविद्यालयाचे उपप्राचार्य डॉ.जी. एल. शेंडगे, कनिष्ठ महाविद्यालयाच्या उपप्राचार्य सौ. ज्योती पालवे, किमान कौशल्य विभागाचे उपप्राचार्य श्री पी.के. बच्छाव, वरिष्ठ महाविद्यालयाचे पर्यवेक्षक प्रा. रोहित शिंदे, कनिष्ठ महाविद्यालयाचे पर्यवेक्षक प्रा. विठ्ठल फंड, महाविद्यालयातील प्राध्यापक, प्रशासकीय कर्मचारी, व विद्यार्थी उपस्थित होते. कार्यक्रमाचे सूत्रसंचालन प्रा. पी. व्ही अहिरे यांनी केले.
पत्रकार विद्यापीठासाठी रस्त्यावर उतरावे लागले तरी सोबत राहू — किरण नाईक मनमाडमध्ये पत्रकार गुणगौरव व जीवनगौरव पुरस्कार सोहळा उत्साहात
मनमाड (प्रतिनिधी) : पत्रकारांसाठी स्वतंत्र पत्रकार विद्यापीठ उभारण्यासाठी नाशिक येथे जागा उपलब्ध...
