मनमाड – तालुका विधी सेवा समिती व मनमाड वकील संघ यांच्या संयुक्त विद्यमाने मनमाड येथील दिवाणी व फौजदारी न्यायालयात दि.१२/०६/२०२३ रोजी बाल कामगार विरोधी दिन व पर्यावरण दिनानिमित्त मनमाड शहर न्यायालयाचे न्यायाधीश महेशकुमार टी. खराडे यांचे अध्यक्षतेखाली कायदेविषयक जनजागृती शिबीर आयोजित करण्यात आले होते. सदर कार्यक्रमात प्रमुख वक्ते मनमाड वकील संघा चे अध्यक्ष अॅड. किशोर सोनवणे आणि विशेष सहाय्यक सरकारी अभियोक्ता अँड. गिरीष पवार हे उपस्थित होते.
सदर कार्यक्रमात ॲड. किशोर सोनवणे यांनी पर्यावरण दिनाचे महत्व विषद केले आणि बालकामगार प्रथा नष्ट करण्यासाठी विव िध उपाययोजनाची माहिती दिली. तसेच अॅड. गिरीष पवार यांनी पर्यावरण दिन व बालकामगार विर ोधी दिन यासंबंधी विविध देशातील चळवळी बाबतचा इतिहास आणि भारत सरकारने बालकामगारांबाबत केलेले नविन कायदे विषयी मार्गदर्शन केले.
कार्यक्रमाचे अध्यक्ष श्री. महेशकुमार टी. खराडे यांनी निसर्ग व सजिव सृष्टीचे आरोग्य अबाधित ठेवण्यासाठी प्रत्येकाने वृक्षांची लागवड व संवर्धन करणे गरजेचे असल्याचे तसेच अनाथ, निराधार व निराश्रीत बालकांसाठी शिक्षण व्यवस्था, अनाथालय, रोजगार प्रशिक्षण इ. उपक्रम राबवुन बालकामगार प्रथा नष्ट करणे आवश्यक असल्याचे सांगितले.
कार्यक्रमाचे सुत्रसंचालन ॲड. पुजा मल्हारे यांनी केले. कार्यक्रमास रेल्वे न्यायालयाचे विशेष सहाय्यक सरकारी अभियोक्ता मोरे , माजी अध्यक्ष ॲड सुधाकर मोरे, उपाध्यक्ष अॅड. एस. पी. पाटील, खजिनदार अॅड. संजय गांधी, सहसचिव अॅड. बापट, ॲड.एस. पी. महाजन, अॅड. वाल्मिक जगताप, अॅड. अमित सोनवणे, तसेच मनमाड न्यायालयातील सर्व कर्मचारी व पक्षकार आदि उपस्थित होते.
