मनमाड: महात्मा गांधी विद्यामंदिर संचलित कला, विज्ञान व वाणिज्य महाविद्यालय मनमाड येथे आज दिनांक १४ जुलै २०२३ रोजी महात्मा गांधी विद्यामंदिर व आदिवासी सेवा समितीच्या कोषाध्यक्ष डॉ.स्मिता प्रशांत हिरे यांचा वाढदिवस महाविद्यालयात मोठ्या उत्साहाने साजरा करण्यात आला. कार्यक्रमाचे अध्यक्ष महाविद्यालयाचे प्राचार्य डॉ. सुभाष निकम यांनी आपल्या मनोगतातून हिमोग्लोबिन तपासणी शिबिराचे महत्त्व व गरज विशद केली. या शिबिरात विद्यार्थिनींची हिमोग्लोबिन तपासणी करण्यात आली. या कार्यक्रमासाठी महाविद्यालयाचे उपप्राचार्य डॉ जी. एल. शेंडगे, कनिष्ठ महाविद्यालयाच्या उपप्राचार्य सौ ज्योती पालवे, पर्यवेक्षक प्रा. रोहित शिंदे, पर्यवेक्षक प्रा. विठ्ठल फंड, कुलसचिव श्री समाधान केदारे उपस्थित होते. सदर कार्यक्रमाचे सूत्रसंचालन राष्ट्रीय सेवा योजना कार्यक्रम अधिकारी डॉ पी.बी परदेशी, प्रास्ताविक डॉ जे डी वसईत तर आभार प्रदर्शन महिला विकास समिती अध्यक्ष प्रा कविता काखंडकी यांनी केले. या कार्यक्रमासाठी यशस्वीतेसाठी तालुका वैद्यकीय अधिकारी पवन राऊत, लॅब टेक- सिमोन स्वामी, वाल्मीक अहिरे, प्रशांत सोनवणे व महाविद्यालयाची विद्यार्थिनी पायल आव्हाड यांचे विशेष सहकार्य लाभले. तसेच प्राध्यापक, प्रशासकीय कर्मचारी मोठ्या संख्येने विद्यार्थी उपस्थित होते. सदर शिबिराचे संयोजन राष्ट्रीय सेवा योजना, महिला विकास समिती, व जनसंपर्क विभाग यांनी केले.
