नाल्यात पडलेल्या बैलाचे मनमाड नगरपालिकेच्या कर्मचाऱ्यांनी वाचविले प्राण

मनमाड – रविवारी सकाळी गुरुव्दारा लगत मोठ्यानाला मध्ये पडलेला बैल नगरपालिका कर्मचाऱ्यांच्या सलग चार तास प्रयत्नातून नाल्यातून जिवंत बाहेर काढण्यात आले.या बाबत अधिक वृत्त असे की सकाळच्या वेळी गुरुव्दारा रोडावर दोन बैलात हाणामारी जुंपली असतांना त्यात एक बैल मोठ्या नाल्यात पडला. सदर घटनेची माहीती वाल्मीकी समाजाचे चौधरी सतिश बहोत यांनी राजेंद्र धिंगान यांना सांगितले असता तात्काळ राजेंद्र धिंगान यांनी वरीष्ठ अधिकार्‍याना कळविले तसेच स्वच्छता कर्मचाऱ्यांच्या यंत्रणा लावून सलग चार तास कर्मचार्‍याचे सह नागरीकांच्या सहाय्याने नाल्यात पडलेला बैल जिवंत काढण्यात आला. यावेळी राजेंद्र धिंगान सागर आहीरे,विजय घुगे, भास्कर डिंबर,संतोष चव्हान, सुमेध आहीरे, राजु खलसे, शिवा टकले आदींनी प्रयत्न करता बैलाचे प्राण वाचविले.परिसरातील नागरीकांनी पालीका कर्मचाऱ्या चे अभिनंदन केले.