मनमाड महाविद्यालयात लोकमान्य टिळक व लोकशाहीर अण्णाभाऊ साठे यांना अभिवादन

महात्मा गांधी विद्यामंदिर संचलित, कला, विज्ञान व वाणिज्य महाविद्यालय मनमाड येथे महाविद्यालयाचे प्राचार्य डॉ. सुभाष निकम अध्यक्षतेखाली लोकशाहीर अण्णाभाऊ साठे व लोकमान्य टिळक यांना विनम्र अभिवादन करण्यात आले. आपल्या मनोगतातून डॉ सुभाष निकम यांनी लोकशाहीर अण्णाभाऊ साठे यांच्या जीवन कार्याचा आढावा घेतला अण्णाभाऊ साठे यांनी आपल्या साहित्यातून समाजामध्ये प्रबोधन निर्माण करण्याचे कार्य केले. तसेच स्वराज्य हा माझा जन्मसिद्ध अधिकार आहे आणि तो मी मिळवणारच स्वातंत्र्य प्राप्तीसाठी टिळकांनी जहाल विचारसरणीचा अवलंब करून ब्रिटिश सरकारला जेरीस आणले. भारतीय स्वातंत्र्य चळवळीत टिळकांचे योगदान खूप महत्त्वाचे आहे असे मत त्यांनी व्यक्त केले.
महात्मा गांधी विद्यामंदिर व आदिवासी सेवा समितीचे समन्वयक मा. डॉ. अपूर्वभाऊ हिरे यांच्या वाढदिवसानिमित्त सुरू करण्यात आलेल्या “अपूर्व दत्तक योजनेमध्ये” महाविद्यालयातील तीन विद्यार्थ्यांचा समावेश करण्यात आला या योजनेअंतर्गत लाभार्थीं विद्यार्थ्यांना प्राचार्य डॉ सुभाष निकम यांच्या हस्ते शैक्षणिक साहित्य देण्यात आले.
याप्रसंगी महाविद्यालयाचे उपप्राचार्य डॉ. बी एस देसले, पर्यवेक्षक प्रा. रोहित शिंदे, प्रा. विठ्ठल फंड, महाविद्यालयाचे कुलसचिव श्री समाधान केदारे, सर्व प्राध्यापक, शिक्षक, शिक्षकेतर कर्मचारी व विद्यार्थी उपस्थित होते कार्यक्रमाचे सूत्रसंचालन प्रा. संदीप ढमाले यांनी केले.