महात्मा गांधी विद्यामंदिर संचालित, कला, विज्ञान आणि वाणिज्य महाविद्यालय,मनमाड येथे महात्मा गांधी विद्यामंदिर संस्थेचे समन्वयक, शिक्षक आमदार तसेच सावित्रीबाई फुले पुणे विद्यापीठाचे सिनेट सदस्य डॉ अपूर्व प्रशांत हिरे यांच्या वाढदिवसानिमित्त रक्तदान शिबिराचे आयोजन तसेच उपजिल्हा रुग्णालय मनमाड येथील रुग्णांना फळ वाटप कार्यक्रमाचे नियोजन महाविद्यालयाचे प्राचार्य डॉ. सुभाष निकम, उपप्राचार्य डॉ बी एस देसले व कुलसचिव श्री.समाधान केदारे यांच्या मार्गदर्शनाखाली राष्ट्रीय सेवा योजना, राष्ट्रीय छात्र सेना व रेड रिबन क्लब यांच्या वतीने करण्यात आले. या रक्तदान शिबिराचे उदिष्ट थेलेस्मिया किंवा रक्ताचे दुर्गम आजार असणाऱ्या व्यक्तींना सुलभ रक्त उपलब्ध व्हावे हे होते. यासाठी उपजिल्हा रुग्णालय मनमाड चे वैद्यकीय अधीक्षक डॉ. पवन राऊत, शासकीय रक्तपेढी चे डॉ.मंगेश राठोड, डॉ. मयूर शिंदे यांच्या मार्गदर्शनाखाली श्रीमती किरण वैष्णव, जितेंद्र बिरारी, संतोष नारखडे , मंगेश कुवर, एकनाथ बनसोडे,अनिल मोरे, अथर्व खैरनार, सौरभ अहिरे, पुनम अंभोरे, लोकरे मामा, सौरभ गुप्ता व नरेंद्र कोल्हे यांच्या टीमने रक्तदानासाठी काम केले. या रक्तदान शिबिरात २५ रक्तदात्यांनी रक्तदान केले. या रक्तदान शिबिराचे उद्घाटन महाविद्यालयाचे प्राचार्य डॉ. सुभाष निकम यांच्या हस्ते झाले. तर उपजिल्हा रुग्णालय मनमाड येथे रुग्णांना फळ वाटप उपजिल्हा रुग्णालयाचे वैद्यकीय अधीक्षक डॉ. पवन राऊत, महाविद्यालयाचे प्राचार्य डॉ. सुभाष निकम यांच्या उपस्थितीत संपन्न झाले. या कार्यक्रमांच्या आयोजनासाठी राष्ट्रीय सेवा योजना कार्यक्रमाधिकारी डॉ. पवनसिंग परदेशी, राष्ट्रीय छात्रसेना प्रमुख प्रा. प्रकाश बर्डे, राष्ट्रीय सेवा योजना कार्यक्रमाधिकारी डॉ. विठ्ठल नजधाने एन.एस.एस. स्वयंसेवक,एनसीसी कॅडेट तसेच उपजिल्हा रुग्णालय मनमाड यांचे मोलाचे सहकार्य लाभले.
