दरेगाव – माणूस आणि कुत्रा यांचे नाते गेल्या कित्येक पिढ्यांपासून खुप जवळचे राहिलेले आहे. प्राण्यांमध्ये सर्वात जवळ जर कोणता प्राणी माणसाच्या जवळ असेल तर तो म्हणजे कुत्रा. वफादारी निभावण्यात देखील श्वान कित्येकदा मालकांसाठी जिवाची बाजी लावतात मात्र माणूस देखील अनेकदा आपल्या मित्रासाठी असा प्रयत्न करतो. अशीच एक घटना समोर आली असून चांदवड तालुक्यातील वडगाव पंगू येथे कातरणी वडगाव रस्ता पाण्याच्या टाकी हनुमान मंदिराजवळ दत्तू बाळू गोजरे यांच्या शेतालगत असणाऱ्या 42 फुट विहीरीत पाच दिवसापासून (दि. 30) रोजी रात्रीच्या सुमारास कोरड्या विहिरीत पडला.कुत्र्याचा आवाज बाहेर येऊ लागला त्यावेळेस बाळू पुंजा गोजरे हे विहिरीत डोकावून पाहिले. त्याला स्थानिकांनी काढण्यासाठी बरेच प्रयत्न करून बघितले पण अपयश ठरले.समाजसेवेत कायम धावून जाणारे भागवत झाल्टे यांना बाळू गोजरे यांनी सर्व हकीगत सांगितली. झाल्टे यांनीं उशीर न करता तात्काळ भेट दिली व कुत्र्याला बिस्किट व भाकरी टाकल्या व विहीर जुनाट व अवघड असल्यामुळे काढण्यासाठी मुश्किल होते.झाल्टे यांनी वन वनपरिक्षेत्र अधिकारी अक्षय म्हेत्रे येवला यांच्याशीं संपर्क साधला व तात्काळ वन विभागाच्या कर्मचारी वनरक्षक सोनाली वाघ, वनरक्षक मॅडम वंदना खरात वन कर्मचारी अंकुश,गुंजाळ संजय गुंजाळ हजर झाले. कुत्रा काढण्यासाठी रेस्क्यू काम चालू झाले बऱ्याच प्रयत्नानंतर कुत्रा काढण्यासाठी पावणे दोन तासाचा कालावधी लागला वन कर्मचारी वडगांव ग्रामस्थ, समाजसेवक भागवत झाल्टे वनविभाग कर्मचारी यांच्या प्रयत्नाने कुत्रा विहिरीतून बाहेर काढण्यासाठी मोलाचे सहकार्य लाभल्याने कुत्र्यास जीवदान मिळाले.यावेळी वडगांव पंगु चे पोलीस पाटील सागर पवार,वाल्मीक गोजरे, बाळू गोजरे,शंकर झाल्टे व स्थानिक शेतकरी उपस्थित होते
