🔷 फलक रेखाटन दि. ९ ऑगस्ट २०२३ जागतिक आदिवासी दिन

जगभरातील आदिवासींच्या मूलभूत प्रश्नांकडे लक्ष वेधले जावे. आदिवासींना सन्मानाने जगता येण्यासारखी परिस्थिती निर्माण करण्यासाठी १९९४ पासून संयुक्त राष्ट्रसंघटनेच्या वतीने ९ ऑगस्ट हा दिवस जागतिक आदिवासी दिन म्हणून साजरा केला जातो.
आदिवासी शब्दाला हजारो वर्षाचा इतिहास आहे. “आदिवासी रं आम्ही,जल जंगल ना रहिवासी. असे गर्वाने म्हणणारा, जंगल,डोंगरदऱ्यात राहणारा, बाहेरच्या जगाशी संपर्क नसणारा, अशी ओळख असलेला हा समाज. लोककला,वारली चित्रकला, पारंपरिक तारपानृत्य, आणि शिल्पकला या त्यांच्याच कलांमधून आदिवासी समाजाला प्रगतीची कवाडे उघडली गेली.
जल,जंगल,जमीन चा रक्षण कर्ता हा समाज निसर्गातील प्रत्येक वस्तूला आपले दैवत मानतो आणि निसर्गावर भरभरून प्रेम करतो. मूल निवासी असणारा व डोंगर दऱ्यात वास्तव्य करणाऱ्या या समाजाच्या काही घटकांपर्यंत शिक्षणाची गंगा अजूनही पोहचली नाही.
गेली अनेक वर्षे जागतिक आदिवासी दिन मोठ्या उत्साहात साजरा केला जातो.पण ज्या दिवशी या समाजातील निरक्षरता संपून हा समाज साक्षर होऊन मुख्य प्रवाहात सामील होईल तो दिवस खऱ्या अर्थाने ‘जागतिक आदिवासी दिन’ असेल.
फलक रेखाटनातून तमाम आदिवासी बंधू-बघीणींना जागतिक आदिवासी दिनाच्या आदिम शुभेच्छा !!
देव हिरे (कलाशिक्षक, नूतन माध्यमिक विद्यालय भाटगाव. ता.चांदवड.जि.नाशिक.)