मनमाड बस आगारात अधिकारी व कर्मचारी वर्गासाठी आमदार सुहास आण्णा कांदे यांच्या माध्यमातून मोफत डोळे तपासणी शिबिर 15 ऑगस्ट स्वातंत्र्य दिनानिमित्त आयोजित करण्यात आले होते.
बस चालक, वाहक यांना होणारा डोळ्यांचा त्रास,लांब पल्ल्याचा बस प्रवास आणि दगदग यामुळे बस कर्मचार्यांची मनमाड शिवसेना पदाधिकाऱ्यांकडून डोळे तपासणी शिबिर घेण्याची मागणी केली होती. आमदार सुहास आण्णा कांदे यांनी तात्काळ शिबिर घेण्याच्या सूचना दिल्यानंतर 15 ऑगस्ट रोजी येथे शिबिर संपन्न झाले .
या वेळी बस डेपो अधिकारी व चालक, वाहक व उपस्थित प्रवाशांनी या शिबिराचा लाभ घेत आपले डोळे तपासून घेतले.आवश्यक असल्यास या वेळी मोफत चष्म्यांचे वाटप करण्यात आले.
सकाळी श्रीफळ वाढवून शिबिरास सुरुवात करण्यात आली.
आमदार आपल्या दारी मोफत सुविधा घरोघरी या अभियान अंतर्गत दर रोज मतदारसंघातील गावा गावात मोफत मेडिकल कँप व मोफत शासकीय सुविधा उपलब्ध करून दिले जात आहेत.
या वेळी शिवसेना उजिल्हाप्रमुख सुनील हाडगे, माजी नगराध्यक्ष बबलू पाटील, नगरसेवक गालिब शेख,आझाद पठाण, महिला आघाडी विधानसभा संघटक पूजा छाजेड,वैद्यकीय मदत पक्षाचे पिंटू वाघ, रुग्ण कल्याण समितीचे दिनेश घुगे, लोकेश साबळे, उपशहर प्रमुख विशाल सुरवसे, एजाज शहा, प्रकाश शिंदे,आसिफ पठाण, सचिन दरगुडे कुणाल विसापूरकर प्रसिद्धीप्रमुख निलेश व्यवहारे उपस्थित होते.