बघा व्हिडिओ – इसापूर येथे विहिरीत पडला बिबट्या – वन विभागाने पिंजरा टाकून पकडले

येवला तालुक्यातील विसापूर येथील शेतकरी संतोष सिताराम सोनवणे यांच्या शेतातील विहिरीत बिबट्या पडला. ही माहिती भागवत झाल्टे यांना दिल्यानंतर त्यांनी वन विभाग कर्मचाऱ्यांना ह्या विषयी सविस्तर माहिती दिली.ह्या परिसरात सर्वत्र बिबट्याने मोठी दहशत निर्माण केली होती.कुत्रे, शेळ्या, घोडे, तसेच इतर पाळीव प्राण्यांवर बऱ्याच वेळेस हल्ला केला होता. त्यामुळे परिसरात बिबट्याची मोठी दहशत होती वन विभाग कर्मचारी आर एफ ओ अक्षय म्हेत्रे, वनपाल जाधव यांच्या मार्गदर्शना खाली वनरक्षक वाघ मैडम ,खरात मैडम, पंकज नागपुरे,गोपाल राठोड़, राजेंद्र दौड़, गोपाल हालगावकर
वनसेवक बालकृष्ण सोनवने, संजय गुंजाल , अंकुश गुजाल भाऊसाहेब झाल्टे कातरणी येथील पोलीस पाटील तुकाराम कदम
गावातील पोलिस पाटिल, उपसरपंच व असंख्य शेतकरी यांनी अथक प्रयत्न करत बिबट्याला सुखरूप बाहेर काढले. एक दीड तासाच्या अथक प्रयत्नांनी बिबट्या अखेर बाहेर आला. वनविभागाने विहिरीत पिंजरा टाकत त्याला पकडले असता परिसरातील शेतकऱ्यांनी सुटकेचा निःश्वास सोडला.