नांदगांव : मारुती जगधने नांदगाव शहराची शान असलेले शहरातील शिवस्फुर्ती मैदानावरील वेश मोडकळीस आली असून त्याची दुरूस्ती वेळेत न झाल्यास पुरातन वेश नेस्तनाबूत होईल याची भिती शहर वासीयांना वाटते आहे .वेशीवरील एका बाजुचे दगड कोसळले आहेत तसेच वरच्या दगडी बांधकामाला तडे पडले आहे. १०० वर्षापूर्वीची शहरातील दगडी वेश दुरुस्तीची प्रतिक्षा करीत आहे . यासाठी दानशुर व निसर्गप्रेमींनी पुढे येण्याची गरज आहे . सध्या वेशीच्या वरच्या भागावार झाडे उगलेले असून झाडांची खोडे मजबुत झाली आहे या झाडांच्या मुळ्या दगडी वेशीत रूजत असल्याने झाडांची वाढ होत आहे ही झाडे आता मुळासगट काढली पाहिजे.
शिवस्फुर्ती वेशी वरील मजबूत दगडी बांधकाम सन १९३२ मध्ये झाले असावे. पूर्वी वेश एक वेळा दानशुरांनी किंवा प्रशासनाने दूरुस्ती केली असल्याचे दिसते. आता नव्याने पुन्हा शहराची वेश दुरुस्तीसाठी शहरवासीयांनी पुढे येऊन शहराला लाभलेला वारसा जतन करण्याची वेळ आली आहे जर ही वेश दुरुस्त झाली नाही व ती वेश ढासळल्यास इतिहास काळच्या पडद्या आड जाईल. आता इतिहास व शहर प्रेमींनी पुढे येऊन शहराची शान असलेली नांदगाव शिवस्फुर्ती मैदाना वरील दगडी वेश जतन करण्यासाठी व दुरुस्तीसाठी दानशुरांनी, प्रशासनाने, लोकप्रतिनीधींनी पुढे येण्याची गरज आहे .
वेश पूर्णपणे दगडी आहे वेशीच्या आतील भाग दुरुस्ती केल्याचे दिसत असून आता नव्याने दुरूस्ती करुन शहराला नवेरुप द्यावे अन्याथा दगड कोसळल्यास एखाद्याचे प्राण गमवण्याची शक्याता आहे .सध्या या ठिकाणी पोलीस प्रशासनाने बॅरीकेट लाऊन धोक्याचा इशारा दिला आहे .परंतु येथे मुख्यप्रवेश व्दार असल्याने वर्दळ मोठ्या प्रमाणात असते याचा विचरा झाला पाहिजे.
