शहरातील कॅम्प परिसरातील अयोध्या नगर येथील ज्ञानेश्वर युवक मित्र मंडळाने सामाजिक बांधिलकी जपत मंडळाचे सदस्य स्व. संजय सोनवणे व स्व. कैलास खैरनार यांच्या स्मरणार्थ गुरुवार, दि. १७ सप्टेंबर २०२६ रोजी भव्य रक्तदान शिबिराचे आयोजन करण्यात आले.
या उपक्रमासाठी सेवा ब्लड बँक, मालेगाव यांचे विशेष सहकार्य लाभले. या रक्तदान शिबिरात एकूण 113 रक्तपिशव्यांचे संकलन झाले.
याच दिवशी मंडळाच्या वतीने सत्यनारायण पूजेचे आयोजन करण्यात आले होते. पूजेनंतर उपस्थित भाविक, नागरिक व कार्यकर्त्यांसाठी महाप्रसादाचे आयोजन करण्यात आले. धार्मिक आणि सामाजिक उपक्रमांचा सुंदर संगम साधत मंडळाने हा दिवस उत्साहात व भक्तिमय वातावरणात साजरा केला.
रक्तदानातून जीवनदान आणि सेवेतून सामाजिक बांधिलकी जपत ज्ञानेश्वर युवक मित्र मंडळाने आपल्या सामाजिक कार्याची परंपरा पुढे नेली. यासाठी मंडळाच्या सर्व पदाधिकारी व सभासदांनी परिश्रम घेतले.
