नांदगाव : मारूती जगधने
कांदा निर्यात बंदीमुळे संतप्त शेतकर्यांनी नांदगांव येवला रोडवर बाजार समिती प्रवेशव्दारावर रास्तारोको आंदोलन केले. या वेळी या मार्गावरील रहदारी ठप्प झाली होती.
कांदा निर्यात बंदी झाल्याने कांद्याचे भाव घसरले या संदर्भात शेतकर्यानी संताप व्यक्त करीत बाजार समितीच्या समोर येवला रोडवर रास्तरोको केला या प्रसंगी पो नि प्रितम चौधरी यांनी चोख बंदोबस्त केला.
शेतकरी आक्रमक झाल्याने केलेल्या रास्तारोको दरम्यान रहदारीची लांबच लांब रांग लागली होती .
आंदोलन प्रसंगी तहसीलदार यांना निवेदन सादर केले .निलेश चव्हाण यांच्या नेतृत्वाखली आंदोलनात शेतकरी मोठ्या संख्येने सहभागी झाले होते.
शासनाने लागू केलेले कांदा अनुदान आजुन पुरेसे मिळाले नाही तसेच गारपिट व दुष्काळाने शेतकरी भरडला गेले त्यात केंद्राने कांदा निर्यात बंदी केल्याने कांदा भाव घसरले आणी संतप्त शेतकर्यांनी आंदोलन केले.
