मनमाड :- एच.ए.के. हायस्कूल ॲन्ड ज्यु. कॉलेज मध्ये संस्थेचे अध्यक्ष हाजी मोहम्मद सलीम अहमद गाजीयानी यांच्या वाढदिवसाचे औचित्य साधुन त्यांच्या हस्ते क्रीडा ज्योत प्रज्वलीत करुन क्रीडा महोत्सवास प्रारंभ करण्यात आला. संस्थेच्या सदस्या आयशा मो.सलीम गाजीयानी यांच्या मार्गदर्शनाखाली शाळेच्या खेळाडु विद्यार्थ्यांकडुन क्रीडा ज्योत दौड करुन शालेय क्रीडा महोत्सवाची सुरुवात मोठ्या उत्साहात करण्यात आली. यावेळी संस्थेच्या सचिव हज्जन सायराबानो सलीम अहमद गाजीयानी, सदस्य अब्दुल करीम सलीम अहमद गाजीयानी,आदिलभाई गाजियानी, सादीकभाई पठाण उपस्थित होते. संस्थेचे अध्यक्ष हाजी मोहम्मद सलीम अहमद गाजीयानी यांनी उपस्थित सर्व सहभागी विद्यार्थ्यांना खेळाचे महत्व सांगितले व स्पर्धेसाठी शुभेच्छा दिल्या. शाळेचे मुख्याध्यापक श्री. शेवाळे भुषण दशरथ, पर्यवेक्षक अन्सारी शाहीद अख्तर शब्बीर अहमद, शेख आरीफ कासम यांनी मान्यवरांचे गुलाबपुष्प देऊन स्वागत केले.
या क्रीडा महोत्सवामध्ये क्रिकेट,फुटबॉल, कबड्डी, संगित खुर्ची, बॉल रेस, आटा गोली, रिंग रेस, लिंबु चमचा, रिले रेस,थैला रेस, खो-खो, डॉज बॉल,संगीत खुर्ची,बलुन रेस, रस्सा खेच, स्लो सायकल, बॉल पासिंग द पास, तगडी गेम असे विविध खेळांच्या स्पर्धा घेण्यात आल्या व विद्यार्थ्यांनी मोठ्या प्रमाणात सहभाग घेतला.तसेच शिक्षक व शिक्षकेत्तर कर्मचा-यांसाठी क्रिकेट स्पर्धा घेण्यात आली होती.
संस्थेच्या सदस्या आयशा मो.सलीम गाजीयानी व शाळेचे मुख्याध्यापक भुषण शेवाळे, पर्यवेक्षक शाहीद अख्तर, शेख आरीफ कासम व शिक्षकांच्या हस्ते विजेत्या खेळाडूंना शालोपयोगी वस्तू व प्रमाणपत्र देऊन गौरविण्यात आले.संस्थेच्या सदस्या आयशा मो.सलीम गाजीयानी यांनी यशस्वी नियोजन केले.
