मनमाड शहरापासून जवळच असलेल्या अनकवाडे शिवारात युवराज धिवर यांच्या शेतात नांगरणी सुरु असताना नांगराचा फाळ अडकल्याने तेथे मोठे भगदाड असल्याचे निदर्शनास आले. हा प्रकार नेमका काय आहे? याची उत्सुकता सर्वांना लागली आहे.
ह्या भगदाडाखाली भुयार अथवा धान्य अथवा किमती वस्तू साठविण्यासाठी गुदाम असण्याची शक्यता वर्तवली जात आहे. भुयारी
मार्ग सापडल्याची माहिती वाऱ्या सारखी परिसरात पसरताच बघ्यांची मोठी गर्दी उसळली होती.
दरम्यान, भुयाराबाबत पुरातत्त्व विभागाला कळविण्यात आले असून पुरातत्त्व विभागाच्या पाहणीनंतर त्याचे गूढ उकलणार जाणार आहे.
अनकवाडे शिवारातील शेतात मोठे भगदाड आढळून आल्याने खळबळ उडाली. हा प्रकार नेमका काय आहे? याची उत्सुकता सर्वांना लागली आहे. तलाठी प्रतिभा नागलवाड यांनी घटनास्थळी
जाऊन पंचनामा केला. तसेच वरिष्ठ कार्यालय आणि पुरातत्त्व विभागाला यासंबंधी माहिती दिली. आता पुरातत्त्व विभागाचे अधिकारी येऊन प्रत्यक्ष पाहणी केल्यानंतर हे भगदाड नेमके काय आणि कसले आहे, याचा उलगडा होईल.
दरम्यान, येथून जवळ अंकाई- टंकाई हे ऐतिहासिक किल्ले आहेत. या किल्ल्यावर जाण्यासाठी पूर्वीच्या काळी अशा प्रकारे रस्ता बनविलेला असावा, असाही अंदाज व्यक्त केला जात आहे.
मनमाड महाविद्यालयात “वाचन संकल्प महाराष्ट्राचा” उपक्रमाअंतर्गत ग्रंथ प्रदर्शन
मनमाड: येथील महात्मा गांधी विद्यामंदिर संचलित कला, विज्ञान व वाणिज्य महाविद्यालय मनमाड येथे, उच्च...
