मनमाड : (योगेश म्हस्के) येथे आयोजित करण्यात आलेल्या संस्कृती संवर्धन समिती आयोजित स्वामी विवेकानंद व्याख्यान मालेचे द्वितीय पुष्प राष्ट्रीय किर्तनकार हभप श्री एकनाथ महाराज सदगीर यांनी गुंफले , त्यांनी आपल्या व्याख्यानात ‘संतश्रेष्ठ एकनाथ महाराज’यांच्या जीवन चरित्रावर प्रकाश टाकला.
संतश्रेष्ठ एकनाथ महाराज यांच्या चारशे पंचविसाव्या जयंती वर्षानिमित्त सुप्रसिद्ध राष्ट्रीय कीर्तनकार श्री एकनाथ महाराज सदगिर यांचे ‘संतश्रेष्ठ एकनाथ महाराज यांच्या जीवन चरित्र’ या विषयावर व्याख्यान झाले , श्री एकनाथ महाराज सदगिर हे श्रीराम जन्मभूमी अयोध्या तीर्थक्षेत्र न्यासाकडून २२ जानेवारीच्या श्रीराम प्राणप्रतिष्ठा सोहळ्यासाठी विशेष निमंत्रित महानुभाव देखील आहेत.संतांचे आगमन हे ठरवुन झालेले असते , तसेच त्यांचे वैकुंठ गमणही ठरलेले असते. संतश्रेष्ठ निवृत्तीनाथ महाराज यांनीही धर्म जनजागृतीसाठी महत्वपूर्ण कार्य केले आहे.त्यांचे जीवनचरित्र जगावेगळे आहे. संघर्ष केल्या शिवाय धर्म टिकत नाही , असे प्रतिपादन यावेळी हभप एकनाथ महाराज सदगीर यांनी केले.
यावेळी प्रगती बँकेचे अध्यक्ष श्री पोपटभाऊ सुराणा तसेच मनमाड मधील अध्यात्मिक क्षेत्रात गेली साठ वर्षे सतत कार्यरत असणाऱ्या दत्तोपासक मंडळाचे सचिव श्री गणेश गरुड हे प्रमुख पाहुणे म्हणुन उपस्थित होते. आजचे व्याख्यान हे मनमाड मधील गुंतवणूक सल्लागार श्री देवराम सदगिर यांनी प्रायोजित केले होते.
कार्यक्रमाचे स्वागत अभिजित रसाळ , सुत्रांचालन रत्नाकर घोंगडे , आभार अमोल तावडे यांनी मानले , समितीचे अध्यक्ष महेश नावरकर , प्रवीण व्यवहारे , रमाकांत मंत्री , प्रमोद मुळे , सतिश न्हायदे, प्रकाश गाडगीळ आदी सदस्य यावेळी उपस्थित होते.
आज महाराष्ट्रातील प्रसिद्ध वक्ते श्री गणेश शिंदे यांचे ‘बाप माणुस’ या विषयावर व्याखान होणार असुन , आजच्या या व्याख्यानास शहरातील श्रोत्यांनी सायंकाळी 6.00 वाजता , सीता लक्ष्मी हॉल , छत्रे हायस्कूल येथे मोठ्या संख्येने उपस्थित राहावे असे आव्हान समितीच्या वतीने करण्यात आले आहे.
