नाशिक,येवला,दि.१३ जानेवारी :- राज्याचे अन्न, नागरी पुरवठा व ग्राहक संरक्षण मंत्री छगन भुजबळ यांच्या विशेष प्रयत्नांतून नोव्हेंबर २०२३ मध्ये येवला तालुक्यात झालेल्या गारपीट व अवकाळी पावसाने नुकसान झालेल्या ३७७ शेतकऱ्यांना ७८ लाख ७७ हजार रुपयांची रक्कम वर्ग करण्यात आली आहे. त्यामुळे तालुक्यातील नुकसानग्रस्त शेतकऱ्यांना मोठा दिलासा मिळाला आहे.
येवला तालुक्यात नोव्हेंबर २०२३ मध्ये गारपीट व अवकाळी पावसामुळे शेतकऱ्यांचे प्रचंड नुकसान झाले होते. या नुकसानग्रस्त भागाची पाहणी मंत्री छगन भुजबळ यांनी केली होती. तसेच अधिक मदत मिळवून देण्याबाबत शेतकऱ्यांना आश्र्वासित केले होते. त्यानुसार जिरायत, बागायत व फळपिकांच्या प्रती हेक्टरी येवला तालुक्यातील आंबेगाव, सोमठाण देश, निळखेडे व कातरणी येथील ३७७ नुकसानग्रस्त ७८ लक्ष ७७ हजार रुपये मदत शेतकऱ्यांच्या खात्यावर वितरित करण्यात करण्यात आले आहे. त्यामुळे शेतकऱ्यांना मोठा दिलासा मिळणार आहे.
सेंट झेवियर हायस्कूलमध्ये वार्षिक स्नेहसंमेलन व पारितोषिक वितरणाचा कार्यक्रम मोठ्या उत्साहात संपन्न
मनमाड -येथील सेंट झेवियर हायस्कूलमध्ये वार्षिक स्नेहसंमेलन व पारितोषिक वितरणाचा कार्यक्रम मोठ्या...











