मनमाड महाविद्यालयाच्या रासेयो विशेष श्रमसंस्कार शिबिराचे शिंगवे येथे उद्घाटन
महात्मा गांधी विद्यामंदिर संचलित कला, विज्ञान व वाणिज्य महाविद्यालय ,मनमाड व सावित्रीबाई फुले पुणे विद्यापीठाच्या राष्ट्रीय सेवा योजना विभागातर्फे “युवकांचा ध्यास- ग्राम शहर विकास अंतर्गत लोकसंख्या नियंत्रण जनजागृती” हे ब्रीद सोबत घेऊन शिंगवे येथे उद्घाटन संपन्न झाले. या शिबिराचे उद्घाटक महात्मा गांधी विद्यामंदिर संस्थेचे उपाध्यक्ष मा.डॉ. हरीश आडके यांनी राष्ट्रीय सेवा योजनेमध्ये असणाऱ्या गती विधीचे विवेचन करून, तरुणांच्या कलागुणांना वाव देणारी योजना म्हणजे राष्ट्रीय सेवा योजना आहे असे प्रतिपादन केले. कार्यक्रमाचे अध्यक्ष महाविद्यालयाचे प्राचार्य डॉ .सुभाष निकम यांनी आपल्या मनोगतातून राष्ट्रीय सेवा योजना हि श्रम, कर्तव्य, देशप्रेम, असे विविध गुण स्वयंसेवक व स्वयंसेविकांना प्रात्यक्षिक रित्या शिकवते. मराठा विद्या प्रसारक मंडळाचे माजी संचालक श्री नानासाहेब भुसाळ व श्री. दाते यांनी ही याप्रसंगी आपले मनोगत व्यक्त केले. तसेच मौजे शिंगवे येथील माध्यमिक शाळेचे मुख्याध्यापक श्री. राजेंद्र गांगुर्डे यांनी राष्ट्रीय सेवा योजने बद्दल माहिती सांगितली. कार्यक्रमाचे सूत्रसंचालन ऋषभ अहिरे व श्रद्धा उगले,प्रास्ताविक राष्ट्रीय सेवा योजना कार्यक्रम अधिकारी डॉ.पवनसिंग परदेशी, प्रमुख पाहुण्यांचा परिचय प्रा. कविता काखंडकी तर आभार प्रदर्शन प्रा. डॉ.विठ्ठल नजरधने यांनी केले. याप्रसंगी शिंगवे गावचे मा.सरपंच आत्माराम खताळ,
महाविद्यालयाचे उपप्राचार्य मा. डॉ. बी.एस. देसले, कुलसचिव श्री. समाधान केदारे ,कार्यालयीन अधीक्षक श्री.एल. के. निकम , पर्यवेक्षक प्रा.रोहित शिंदे , पर्यवेक्षक प्रा . विठ्ठल फंड ,डॉ एम.डी.अहिरे,प्रा.चैतन्य ठाकूर यांच्यासह जिल्हा परिषद शाळेचे मुख्याध्यापक संजय गवळी,मा. ग्रामसेवक, शिंगवे येथील गावकरी मंडळी,महाविद्यालयातील शिक्षकवृंद प्रशासकीय कर्मचारी स्वयंसेवक व स्वयंसेविका उपस्थित होते.
