मनमाड: महात्मा गांधी विद्यामंदिर संचलित कला विज्ञान व वाणिज्य महाविद्यालयाने एम.जी.एम युनिव्हर्सिटी छत्रपती संभाजी नगर येथे झालेल्या अभिरूप युवा संसद स्पर्धेत यशस्वी कामगिरी केली. या स्पर्धेसाठी प्रताप कॉलेज अमळनेर,एम.जी.एम. युनिव्हर्सिटी छत्रपती संभाजी नगर, मौलाना आझाद कॉलेज छत्रपती संभाजीनगर, दयानंद कॉलेज लातूर अशा एकूण पाच महाविद्यालयांनी सहभाग घेतला होता. यात मनमाड महाविद्यालयाला चतुर्थ क्रमांकाचे चे उत्तेजनार्थ पारितोषिक मिळाले. पारितोषिकाचे स्वरूप प्रमाणपत्र व 5000 रुपये रोख असे होते. या यशाबद्दल महाविद्यालयाचे आदरणीय प्राचार्य डॉ. सुभाष निकम यांनी सहभागी विद्यार्थ्यांचे व राज्यशास्त्र विभागाचे विभाग प्रमुख प्रा.संदीप ढमाले यांचे अभिनंदन केले. यासाठी राष्ट्रीय सेवा योजनेचे अधिकारी डॉ.पी बी परदेशी, अर्थशास्त्र विभागाच्या प्राध्यापिका अलका नागरे यांचे विशेष सहकार्य लाभले.
कृष्णा व्यवहारे ने पटकावले कांस्यपदक
मोदी नगर येथे सुरू असलेल्या राष्ट्रीय वेटलिफ्टिंग स्पर्धेमध्ये युथ मुलांच्या ६५ किलो वजन गटात जय...
