मनमाड महाविद्यालयात सावित्रीबाई फुले पुणे विद्यापीठ वर्धापन दिन उत्साहात साजरा

मनमाड – महात्मा गांधी विद्यामंदिर संचलित कला विज्ञान व वाणिज्य महाविद्यालय मनमाड येथे सावित्रीबाई फुले पुणे विद्यापीठ, पुणे चा 75 वा वर्धापन दिन साजरा करण्यात आला याप्रसंगी महाविद्यालयाचे प्राचार्य डॉ. एस एन निकम यांच्या हस्ते पुणे विद्यापीठाच्या ध्वजाचे रोहन करण्यात आले. याप्रसंगी त्यांनी आपले मनोगत व्यक्त करताना देशाच्या स्वातंत्र्यानंतर गेल्या 75 वर्षापासून सावित्रीबाई फुले पुणे विद्यापीठ हे उच्च शिक्षणाची धुरा यशस्वीपणे सांभाळत आहे व अविरतपणे ज्ञानदानाचे कार्य करत आहे सावित्रीबाई फुले पुणे विद्यापीठाने नवीन शैक्षणिक धोरणाचा स्वीकार केला त्यानुसार विद्यार्थ्यांना आपल्या सोयीनुसार शिक्षणाची संधी उपलब्ध करून दिली आहेत असे मत व्यक्त केले याप्रसंगी उपस्थित प्राध्यापक व विद्यार्थ्यांना त्यांनी वर्धापन दिनानिमित्त शुभेच्छा दिल्या याप्रसंगी महाविद्यालयाचे उपप्राचार्य डॉक्टर बी.एस.देसले कार्यालयीन कुलसचिव समाधान केदारे सर्व विभागाचे विभाग प्रमुख प्राध्यापक शिक्षक शिक्षकेतर कर्मचारी विद्यार्थी मोठ्या संख्येने उपस्थित होते कार्यक्रमाचे व्यवस्थापन क्रीडा संचालक प्रा. सुहास वराडे यांनी केले याप्रसंगी एन एस एस प्रमुख प्राडॉ.पी बी परदेशी यांचे सहकार्य लाभले.