मनमाड – येथील सेंट झेवियर हायस्कूलमध्ये मराठी दिन अर्थात कवी श्रेष्ठ कुसुमाग्रज यांचा जन्मदिन मोठ्या उत्साहात संपन्न झाला. याप्रसंगी आयोजित कार्यक्रमात व्यासपीठावर शाळेचे मुख्याध्यापक फादर मॅल्कम ,पर्यवेक्षिका सिस्टर जोतस्ना, फादर लॉईड शाळेतील मराठी विषयाच्या ज्येष्ठ शिक्षिका सौ. पारखे मॅडम कार्यक्रमाचे अध्यक्ष कुमारी कावेरी वाबळे आदी मान्यवर उपस्थित होते. कार्यक्रमाच्या सुरुवातीला मान्यवरांच्या हस्ते कविवर्य कुसुमाग्रजांच्या प्रतिमेस पुष्पहार अर्पण करून सर्वांतर्फे आदरांजली वाहिली .कुमारी कावेरी वाबळे हिने आपल्या अध्यक्षीय भाषणातून मराठी भाषेचे महत्त्व विशद केले तर मुख्याध्यापकांनी कुसुमाग्रजांबद्दल माहिती सांगून मराठी दिनाच्या सर्वांना शुभेच्छा दिल्यात. याप्रसंगी श्री.अशोक गायकवाड सरांनी ‘ माय मराठी ‘ हे गीत सादर केले. या मराठी दिनानिमित्त ग्रंथपाल श्री.महेंद्र परदेशी यांच्या मार्गदर्शनाखाली जान्हवी सांगळे हिने ‘ एक होता कार्व्हर ‘ या पुस्तकाची ओळख करून दिली. तनुजा सोनवणे हिने कार्यक्रमाचे सूत्रसंचालन केले तर आभार प्रदर्शन प्राची लकदीरे हिने केले.
मा. तात्यासाहेब तथा विश्वासराव देवरे, महाविद्यालय उमराणे व सावित्रीबाई फुले पुणे विद्यापीठ यांच्या संयुक्त विद्यमाने राष्ट्रीय सेवा योजना श्रमसंस्कार शिबिराचे उद्घाटन.
उमराणे:- श्री गणेश शिक्षण प्रसारक मंडळ, उमराणे संचलित, मा. तात्यासाहेब तथा विश्वासराव देवरे कला,...
