महात्मा गांधी विद्यामंदिर संचलित कला विज्ञान वाणिज्य महाविद्यालय मनमाड येथील वाणिज्य विभाग अंतर्गत वाणिज्य मंडळाद्वारे जागतिक ग्राहक दिनानिमित्त व्याख्यानमाला आयोजित करण्यात आली .
मनमाड शहरातील सुप्रसिद्ध एडवोकेट रमेश अग्रवाल यांनी व्याख्यानाच्या प्रथम पुष्पात ग्राहक संरक्षण कायदा 2019 यातील क्लिष्ट तरतुदी विद्यार्थ्यांना समजतील अशा सोप्या भाषेत मांडल्या.
द्वितीय पुष्प एडवोकेट शशिकांत व्यवहारे यांनी गुंफले. ग्राहक मंचाचे कार्य याविषयी तसेच ग्राहक जर जागृत असेल म्हणजेच ग्राहकाने त्याची उदासीनता कमी केली तर वस्तू व सेवा विषयीच्या तक्रारी कमी उद्भवतील , असे प्रतिपादित केले .
अध्यक्ष भाषणातून ज्येष्ठ प्राध्यापक जे.वाय. इंगळे यांनी ग्राहकांना त्यांच्या हक्कांविषयीची अधिक जाणीव जनजागृती करून देण्याची आवश्यकता आहे असे प्रतिपादित केले. व्याख्यानाचे प्रास्ताविक वाणिज्य विभाग प्रमुख डॉ. एस. डी. थोरे यांनी केले. तर सूत्रसंचालन डॉ. आरती छाजेड यांनी केले . प्रा. समाधान सूर्यवंशी यांनी अतिथी परिचय करून दिला आणि आभार प्रदर्शन डॉ. व्ही .एस. नजरधने यांनी केले .
व्याख्यान यशस्वी होण्यासाठी डॉ.आर. डी. भोसले व प्रा. सुनील मुसळे यांनी विशेष श्रम घेतले .बहुसंख्य विद्यार्थ्यांनी या व्याख्यानाचा लाभ घेतला.
