मनमाड – मनमाड लासलगाव रोडवर रायपूर गावानजीक खंडेराव मंदिराजवळ दुचाकी व इको गाडीचा समोरासमोर धडक होऊन अपघातात मनमाडच्या दोन तरुणांचा मृत्यू झाल्याची दुर्दैवी दुर्घटना आज दुपारी घडली आहे. अपघात झाल्यानंतर रायपूरचे पोलीस पाटील साहेबराव नारळे यांनी घटनास्थळी धाव घेऊन मदत कार्य सुरू केले दोन्ही तरुणांना मनमाड उपजिल्हा रुग्णालयात दाखल करत प्रथमोपचार करून त्यांना मालेगाव येथे अधिक उपचारासाठी नेत असताना रस्त्याचा त्यांची प्राणज्योत मालवली या घटनेची माहिती कळताच शहरावर शोककळा पसरली आहे.
याबाबत अधिक वृत्त असे की मनमाड शहरातील गौतम नगर येथील रहिवासी पवन विनोद जाधव वय वर्ष 20 तर त्याचा मित्र बोरकरवाडी येथील रहिवासी योगेश पद्माकर अडांगळे वय 21 हे दोघे मोटरसायकल क्रमांक एम एच 15 बी ए 82 86 या गाडीने लासलगाव मार्गे विंचूर कडे जात असताना रायपूर येथील खंडेराव महाराज मंदिराजवळील वळणावर समोरून येणारी इको गाडी क्रमांक एम एच 19 डी व्ही 73 94 या गाडीसोबत समोरासमोर धडक झाली या धडकेत पवन व त्याचा मित्र योगेश हे दोघे गंभीर जखमी झाले घटनेची माहिती मिळताच रायपूर येथील पोलीस पाटील साहेबराव नारळे यांनी घटनास्थळी जाऊन मदत कार्य सुरू केले दोन्ही तरुणांना मनमाड उपजिल्हा रुग्णालयात आणण्यात आले यावेळी त्यांच्यावर प्रथम उपचार करून त्यांना अधिक उपचारासाठी मालेगाव येथे नेण्यात आले मात्र मालेगाव कडे जात असताना अर्ध्या रस्त्यातच दोघांची प्राणज्योत मालवली या घटनेची माहिती मिळतात मनमाड शहरावर शोक कळा पसरली आहे या अपघाताची पोलीस ठाण्यात नोंद करण्यात आली असून पुढील तपास पोलीस प्रशासन करत आहे.
